١٥ مطعم لتدوقوا فوندو الجبنة الدايبة هالشتوية بلبنان

في كتير قصص زغيرة بتبسطنا بالشتوية، متل الخبز المغطس بالجبنة الدايبة أو الفوندو الشهير مع كاس نبيد وقعدة دفى. خلونا ندلكن على ١٥ مطعم لتدوقوا فوندو الجبنة الدايبة هالشتوية بلبنان.

1.  Pierre and Friends، البترون

هالمطعم عندو واجهة قزاز بتطل على البحر، وكمان قعدة جنب الدفاية مثالية لتطلبوا جبنة فوندو مع كاسرول ترافل وشوربة بصل و أكيد كاس نبيد.

الرقم: 930 352 03

2. Ô Bois، خنشارة

جبنة فوندو، راكليت، مع خبز وبطاطا مشوية، بدكن أدفى من هيك؟ وكمان عندو جو رومانسي جنب الشاميني.

الرقم: 752 345 03

3. سود، ضبية

فوندو، كاس نبيد، سلطة مع بطاطا مقلية وقعدة كوزي ع الآخر عند مطعم سود.

الرقم: 056 888 78

4. The Wooden Cellar، جميزة

هالمطعم العتيق عندو جو مميز لتقضوا فيه أحلى سهرة بالشتي: ديكور دافي، منيو نبيد مميزة، واكتر من طبق شهي خاص بالشتوية. الفوندو, أطباق الجبنة، صواني الشاركوتري، وأطباق تانية كتير! و لازم تحجزوا قبل ما تروحوا لأن الفوندو مش دايماً متوفر.

الرقم: 392 808 76

5. لولا، بكفيا

مطعم محاوط بشجر الصنوبر و بمناظر بانورامية خلابة، لولا هو مهرب ممبز من عجقة بيروت. احجزوا طاولة جنب الموقدة واطلبوا أطيب فوندو مع أكلات دافية وشهية من المطبخ الفرنسي.

الرقم: 706 627 71

6. Les Caves Michel، فقرا

مطعم بقعدة كهف مليانة دفى و رومانسية. جربوا فوندو مح حبيبكن ع ضو الشموع ودفى الشاميني!

الرقم: 418 894 03

7. أي كافيه، جبيل

كافيه بجبيل بيجذب الناس بالصيف، بس كمان عندو قعدة شتوية لطيفة. بتلاقوا فوندو، راكليت، طبق ستيك، وسلطات طيبة ناطرتكن!

الرقم: 316 163 03

8. Le Montagnou، كفردبيان

كوخ خشبي بقلب جبال كفردبيان، و المطرح المثالي لتجربوا مع شريك حياتكن أو الأصحاب طبق فوندو دايب مع تحلاية شوكولا شهية. صدقونا، أكتر شي ممكن يدفيكن بعد يوم طويل من التزلج بالمنطقة.

الرقم: 441 341 03

9. شيري لاين، حمانا

.مطعم بيقدملكن أطباق فرنسية وإيطالية وسط حمانا، بتعيشوا تجربة ساحرة مع فوندو طيب وستيك شهية على مناظر تلجية

الرقم: 588 335 71

10. تلغراف بلفيو، بحمدون

مطعم بين كروم العنب بأجواء رومانسية هالشتوية. عندو منيو من أكلات موسمية متل فوندو وفرصة لتجربوا نبيد بحمدون المحلي! بس لازم تتصلوا قبل لتشوفوا إذا الفوندو متوفر.

الرقم: 383 628 70

11. Lou Le Resto، فتقا

مطعم بقعدة حجر مكنكنة، عندن منيو متنوعة من النبيد لتجربوها مع فوندو دايبة وشهية.

الرقم: 225 522 70

12. أوبرج لو فاليه، فاريا

راكليت، شاركوتيري، فوندو, وأجواء سويسرية بإمتياز عند هالمطعم والأوتيل، عدا عن المناظر الجبلية للتلوج!

الرقم: 227 552 70

13. روستيك، فاريا

ما تفوتوا هالمقهى والبار الريفي اللي عندو تجربة تذوق إستثنائية بجبال فاريا! صحن من الفوندو مع بيتزا، في أطيب من هيك؟

الرقم: 116 168 76

14. The Gathering، فقرا

ستيك، برغر، فوندو دايبة، وسفرة غير شكل مع جو رومانسي بين التلوج عند هالمطعم الجبلي!

الرقم: 612 712 71

15. لو بيشيه، الأرز

رح بتلاقوا بهالمكان كل شي بتستحلوا بالشتي، إستمتعوا بالراكليت والفوندو الدايبة وسط أجواء جبلية دافية.

الرقم: 777 413 70

شوفوا كمان، ١٦ مطعم شتوي لعشا رومانسي بالجبل