حلو مميز تجربوه بلبنان: بقلاوة ع شوكولا!

لقينالكن اليوم طريقة جديدة لتاكلوا فيها البقلاوة وهيدا الحلو المميز هوي إختصاص حلويات الحلاب بكافة فروعو.

الحلاب معودنا على الإختراعات الغريبة العجيبة لي عطول بتطلع معو بطريقة احترافية وبتشق القلب متل مؤخراً اختراع السحلب مع غزل البنات وشوكولا ع الوج.

ومن حلويات الحلاب اللذيذة والمبتكرة، البقلاوة التركية لي هالمرة رح تدوقوها مع أقرب صنف حلو على قلبكن: الشوكولا!

هلق هي حلوة زيادة بس صدقوا الطعمة روعة!

محضرة من طبقات البقلاوة المقرمشة ومغطسة بالشوكولا الدايب، هالبقلاوة السوبر روعة رح ترضي عشاق السكر بقوة.

وشو بعد بدكن تعرفوا؟ القطعة جامدة من برا وبتقرش قرش من جوا والخلطة بين هالطعمتين رح تاخدكن على عالم تاني.

بعد كل قطعة رح تحسوا بالقطر عم بسيل، الشوكولا الجامد عم بدوب بالتم على الهدا والعجينة عم بتصير مقرمشة شوي شوي، ولا أطيب من هيك!

حضروا حالكن هالشتوية لتجربوا شي فريد، المرة الجايي لي بتزوروا فيها الحلاب ما تفلوا من دون ما تاخدوا معكن علبة على البيت لتتحلوا فيها مع فنجان قهوة الصبح وعلى العصرونية.

الرقم: 1881

الفرع الأول: طرابلس
الفرع التاني: قاروط مول، بيروت
الفرع التالت: المحمرة، عكار
الفرع الرابع: شتورا، البقاع
الفرع الخامس: شارع مار يعقوب، جبيل
الفرع السادس: طريق المطار
الفرع السابع: جناح
الفرع التامن: جونية
الفرع التاسع: كوسبا، أميون
الفرع العاشر: ميرنا الشالوحي، سن الفيل

شوفوا كمان، ٧ محلات عندن أطيب ترويقة ببيروت!