٨ مطارح لترويقة كعكة لبنانية طازة ببيروت

فول، حمص، مناقيش، لبنة وبيض، كعك…ما بتكمل الترويقة اللبنانية بلاهن! اليوم رح نعرفكن على ٨ مطارح لتجربوا كعكة لبنانية طازة ببيروت.

1. بيت الكعك, سليم سلام

بلشوا نهاركن بكعكة الزعتر الطازة مع الخضرة من بيت الكعك . بيقدموا كعكة لبنانية ع الطريقة التقليدية وكمان ع طريقتن.

الرقم: 841 633 76

2. فرن طقوش، الحمرا

هالفرن المحبوب بالحمرا بيقدملكن كل شي من المناقيش والمعجنات وكمان الكعكة اللبنانية، جربوها مع جبنة وكتير رح تعجبكن.

الرقم: 040 328 76 – 379 349 01

3. كعك ستايشن، الحمرا

رغم انو معروفين بالبيتزا بيبروني المميزة، بس ضروري تجربوا الكعك التقليدي عندن. كعك ستيشن رح تخلي صباحكن بالحمرا أحلى!

الرقم: 588 879 71 – 488 879 71 – 180 747 01

4. كعك البيك, الروشة

إنبسطوا بصبحيتكن ببيروت ع الروشة مع أطيب كعك بجبنة عند البيك!

الرقم: 175 639 70

5. كعك سكوير، مار ميخايل والأشرفية

بعيد عن النكهات التقليدية, هيدا المحل بيتميز بتقديمه كذا نوع مميز من الكعك متل الحلوم بالبيستو، الكنافة كذابة، اللبنة والمكدوس، واللبنة والقوارما.

الرقم: 095 568 01

6. Baked In Beirut، الجميزة

إذا بتحبوا الكعكة الطرابلسية على أصولها، لازم تجربوا هالفرن ع الصبح بالجميزة، مع فنجان شاي وقعدة رواق

الرقم: 856 660 03

7. Food Vaccine – رويس، الضاحية

مع إنو بتقدروا تطلبوا كعكة طرابلسية شهية عند فود فاكسين، بس ما فيكن ما تجربوا الأصناف المميزة اللي بيعملوها متل كعكة برغر!

الرقم: 569 314 76

8. فرن السلطان، النبعة

مخبز السلطان رح يصير مكانكن المفضل لترويقة ع راس النبع، ونحنا بالذات بنعشق مناقيشن الزغيرة وأكيد الكعك اللي بيعملوا.

الرقم: 882 644 01

شوفوا كمان، ٣ محلات كنافة نابلسية بلبنان