لقينالكن أدفى بيوت الضيافة بالزعرور للشتوية

بلش موسم التزلج بلبنان، ومنطقة الزعرور تعتبر مقصد أساسي لممارسة الرياضة بالتلج والإستمتاع بجمال جبال لبنان بالشتوية. بما انو خبرناكن قبل عن المطاعم الجبلية اللي بتقدروا تجربوها بالزعرور، قررنا نكملكن المشوار بهالمقال ونخبركن عن ٥ بيوت الضيافة بالزعرور للشتوية. 

1. Peach Zaarour 

هالبيت الضيافة الخاص عندو طابع مودرن وجو رومانسي بالزعرور، كتير خرج عطلة مع الحبيب هيي وعم تتلج الدني! 

بتحطو فيلم رومانسي، بتقعدوا جنب الشاميني مع كاس نبيد وكنكنات للصبح! ولما تفيقوا بتقضوا نهار غير شكل بالمنطقة بين التلوج. 

الرقم: 240 343 71

2. L’auberge de Zaarour 

هالمطرح بيقدملكن بيوت خشب بتحسسّكن كأنكن سفرتوا ع سويسرا، قاعدة بين الجبال العالية والطبيعة التلجية. 

عندن جو دافي ورومانسي جنب الصوبا مع كل وسايل الراحة والرفاهية!

الرقم: 000 583 71

3. Le Grand Chalet

عبالكن ترويقة مع منظر التلوج؟

اللي عم يفتشوا ع مطرح مرتب جنب البحيرة الجليدية بالزعرور، كتير رح يعجبن هالشاليهات. عندن جو دافي وقاعدين بقلب الطبيعة التلجية وجنب مراكز التزلج والمطاعم المميزة. 

الرقم: 300 310 04

4. Pres du Lac Zaarour

هالمطرح بالزعرور بيقدملكن شاليهات مميزة بحضن الطبيعة والجبال البيضا. عندو قعدة مكنكنة جنب الشاميني مع غرف مريحة ومطلة على هالمنظر الساحر. 

الرقم: 777 256 81 

5. Urban Retreat 

عبالكن قعدة بقلب كوخ خشب جنب الصوبا ومع إطلالة فوق الغيوم؟ لازم تحجزوا هالمحل لتقضوا عطلة من العمر بوحدة من أروع المناطق التلجية هالسنة. للحجز، تواصلوا مع Urban Retreat على الإنستغرام هون. 

خبرونا، حبيتوا المشوار على أجمل بيوت الضيافة بالزعرور؟ وأي رح بتجربوا هالموسم؟

شوفوا كمان،

 بتحبوا بيوت القبة؟ لقينالكن ١٢ بيت قبة بقعدة شتوية بلبنان

١٩ مغامرة فريدة من نوعها لازم تعملوها هالشتوية بلبنان!