مشوار ع ضيعة الخنشارة: ٨ شغلات فيكن تعملوها

بتلاقوا بقضاء المتن ضيعة الخنشارة اللي تعتبر مقصد مميز بالشتوية ومصيف جبلي. قاعدة على إرتفاع 1100 متر، بتتميز بطبيعتها الصخرية، غابات السنديان والصنوبر، الآثار المقدسة، والتاريخ اللبناني الغني. هالضيعة وحدة من أجمل الضيع اللبنانية اللي بتمثل التراث اللبناني والقروي القديم. اليوم رح ناخدكن على الخنشارة لنتعرف سوا على 8 شغلات فيكن تعملوها بهالضيعة!

كيف فيكن تقضوا نهار كامل بضيعة الخنشارة اللبنانية؟

1. إبرموا شوارع الضيعة القديمة وتفرجوا على العمارة اللبنانية

والخنشارة كتير معروفة بالدراج بين حاراتها

2. دوقوا خبز القربان الشهير من فرن الضيعة

3. زوروا دير مار يوحنا الصابغ الأثري

المميز بهالمطرح المقدس انو بيضم أول مطبعة عربية بالشرق الأوسط اللي صارت متحف بحد ذاتو، وصرلها من آواخر ال 1600.

4. زوروا معصرة العنب الأثرية بالضيعة

بتلاقوها بأحضان الطبيعة، عدا عن المناظر الخلابة اللي ممكن تتفرجوا عليها من هالنقطة، كمان بتتميز بشكل القناطر القديمة.

5. ولأنو الخنشارة مشهورة بصناعة النبيد، تعرفوا على تاريخ هالصناعة المحلية من عند معصرة Riachi Winery & Distillery

بتدوقوا النبيد الأحمر والأصيل المعتق صرلو سنين جنب الشاميني مع جبنة ولحوم، وبتبرموا بين كروم العنب وبتتعرفوا على تاريخ النبيد، العرق اللبناني، والويسكي.

الرقم: 562 939 03

6. وما بيكمل مشوار الخنشارة من دون ما تكتشفوا الطبيعة الجبلية وغابات الصنوبر

وفي كتير دروب مشي تاخدوها انو أصحابكن، وكتار بيحبوا يخيموا بهالمنطقة (أكيد إذا طقس حلو)

7. جربوا غدا أو عشا طيب بقلب كوخ خشب عند مطعم Ô Bois 

عندو جو رومانسي ومغمور بشجر الصنوبر، والحلو انو العشا جنب الشاميني! بيقدم أطباق عالمية معمولة بطريقة بيتوتية وشهية.

بتجربوا جبنة فوندو، مع ستيك وكاس نبيد على جو جبلي ودافي ع الآخر.

الرقم: 752 345 03 – 752 345 70

8. قضوا نهار مميز من المرح و التسلية مع العيلة عند Hillhout Village وكفوا الليلة عندن بقلب بيوت الخشب بالطبيعة

عندن مطعم بيقدم أكل عالمي، منتزه وملاعب للولاد بالطبيعة، وكمان رياضات حماسية لكل الأعمار.

الرقم: 711 757 70

خبرونا، حبيتوا مشوارنا على ضيعة الخنشارة؟

شوفوا كمان،كيف فيكن تقضوا نهار مميز بضيعة بكفيا؟