٧ محلات سندويشات طاووق متل “ملك الطاووق” وأطيب

لقينا ٧ محلات سندويشات طاووق بديلة ل”ملك الطاووق” ، كتير طيبين مدعومين توم منيح!

١. فخري تشيكن Fakhry Broasted & Grill

بحضر دجاج على الفحم من سنة 1982، بس لي مش مجرب الطاووق عندو عم بروح علي كتير، الطاووق بشهي والصلصة بتشهي والتوم لي بيعملوا كتير طيب وخفيف منو دلع ورح تشتهوا عالآخر.

الفرع الأول: الحازمية
الرقم: 988 454 05

الفرع التاني: المنصورية
الرقم: 829 654 01

٢. مشاوي الكرم King Fadi

هيدا المحل من أول ما فتح والناس عندو واقفين بالطوابير لأن قد ما لقمتو طيبة انشهر كتير بين محبي المشاوي. إذا عبالكن سندويش طاووق على الفحم مع صوص توم وبطاطا وسلطة وحبات كبيس، ضروري تجربوا مشاوي الكرم.

الفرع الأول: كفرشيما
الرقم: 191 471 71

الفرع التاني: الزلقا
الرقم: 856 778 81

٣. تيكو تيكو

مين مغروم بالطاووق؟ هالمحل بيعمل كل شي ولا أطيب من هيك، طعمة سندويش الطاووق عندن بتطوش، بيعملوا كمان شاورما على دجاج أو على لحمة، سندويشات مختلفة وبرغر وبروستد.

الفرع الأول: الدكوانة
الرقم: 086 461 81

الفرع التاني: الزلقا
الرقم: 223 282 03

٤. سناك غلاييني، الحمرا

إذا شي تعوا على هل محل على معدة فاضية لتعبوا بطنكن عالآخر، بيعملوا سندويش طاووق كتير طيبة وكريمة وأكيد مليانة توم والخبزة محمصة شوي.

الرقم: 850 350 01

٥. مشروع فروج، طرابلس

سندويش طاووق محمصة بالمرقوق ولا ألذ من هيك بيتفننوا فيها بهيدا المحل مع صوصات مميزة ع جنب وبطاطا مقلية.

الرقم: 868 344 70

٦. سوب 50، بكفيا

معروف إنو عندو أطول سندويش ساب مارين بالبلد وبحضر سندويشات على أنواعها وبرغر وسلطات مع صوصات مميزة لتغمسوهن فيهن، والحلو إنو بيعملوا سندويش طاووق بتشق القلب ومحمصة منيح مع إكسترا توم.

الرقم: 522 507 81

٧. سناك عاللبناني، سنترو مول

هالمطعم المميز مقصد غير شكل لكل محبي السندويشات المحرزة مع صوصات غير شكل، خصوصي إذا بتجربوا عندو السندويشات متل الفاهيتا والاسكالوب والفيلاديلفيا. ضروري تجربوا كمان سندويش الشيش طاووق المعمولة من الخبز اللبناني المحمص مع قطع الطاووق اللذيذة والتوم.

الرقم: 869 699 81

هيك أسعار سندويش الطاووق عند أشهر المحلات بلبنان شوفوا كمان،