١٣ شغلة بلبنان ما رح يفهمها الأجانب

لبنان بلد الغرايب والعجايب، اللي بيمشي فيه ما بيمشي بأي بلد، ويمكن هالشي بميزنا نحنا اللبنانية عن غيرنا، المواقف اللي مننحط فيها وأسلوب حياتنا اللي كلو قالب ع بعضو. بس الحلو بلبنان، انو رغم هالشي البلد بعدو ماشي والدنيا بخير. كرمال نضحك شوي، خلونا نشوف ١٣ شغلة بلبنان ما رح يفهمها الأجانب.

١. انو طبيعي سواق التاكسي يسألك انت من وين ومن أي عيلة ومش بعيدة يطلع بيعرفك

٢. انو طبيعي معلّم الشاورما يقلك “حبيبي” و “لعيونك”

٣. انو منشتري الفواكة والخضرة بالكيلو مش بالحبة

ومنضلنا ساعة عم نقي الحبة المنيحة والمش منيحة عند الخضرجي

٤.انو المنقوشة مش بيتزا، وبحياتها ما بتصير بيتزا

عيب هالحكي. 

٥. انو شنطتك بالمطار معباية مونة مش تياب

مصيبة إذا بيوقفوك ع التفتيش وبتقلن هول كشك وزعتر من عند إمي 

٦. كلمة وحدة: اللحمة النية

انو مناكل اللحمة نية وطازة، وكتير طيبة.

٧. انو تلت رباع الناس بتفوت بالواسطة

الأجانب ما بيعرفوا عجايب الواسطة

٨. انو طبيعي نتخانق ع كل شي بهالبلد، حتى التوقيت

عادي نص البلد ماشي ع توقيت شتوي والنص التاني ع توقيت صيفي.

٩. انو في شي اسمو إشتراك 

كيف أولكن ممكن نشرحلن هاي النقطة؟

١٠. فان رقم ٤

هيدا بحد ذاتو بيمشي ضد الطبيعة، واحد من عجايب الدنيا

أو يمكن الفانات كلها غريبة هيك

١١. انو اللي بيعرف يسوق بلبنان رح يعرف يسوق وين ما كان

السواقة بلبنان بتعلمكن كتير قصص مش مفروض تتعلموها بالأساس. بس هي القاعدة وحدة: “بتسوق كأنوا الكل حدك ما بيعرفوا يسوقوا” 

١٢. أصعب شي تشرحوا للأجنبي: ليه في كرواسون ع شاورما

طب عنجد، ليه في شي اسمو كرواسون ع شاورما؟ يمكن أد ما خبصولنا الأجانب بالحمص.

١٣. هيدا الحرام بالزبط مع هيدي النقشة

ليه كلنا عنا منو بالبيت؟

خبرونا بالتعليقات، شو بعد بتعرفوا أشيا بلبنان ما بتصير بأي بلد؟

شوفوا كمان، ١٤ شغلة بتصير معكن بعد ما رفقاتكن المهاجرين يسافروا