شاورما ع الحطب عند هالمحل ببيروت!

بهالبرد والشتي ما في شي بدفي القلب غير قعدة ع الحطب وكيف إذا كانت لقمة ع الحطب والنار .

^{Credits: beyondfood}

ولأن أكيد بهالإيام بيجي عبالنا لقمة طيبة وبتدفي القلب اليوم رح نعرفكن على محل شاورما غير شكل عم بحضرلكن صنف بشهي من الشاورما ما بتلاقوا وين ما كان: شاورما ع الحطب والنار!

هالمحل فتح جديد على السانت تريز بالحدت ومش بس عم يعمل شاورما ع الحطب، بحضر كمان سفيحة بعلبكية ولحمة طازة وعروس كفتا غير شكل وبيعملوا شي كتير مهضوم كمان: صحن حمص بالشاورما اللحمة… شي بشق القلب.

إنتو معودين عالشاورما ع الفحم أو ع الغاز بس عند عروسة لحمة بيعملولكن أطيب شاورما ع الحطب بكل لبنان!

بتشوفوا سيخ الشاورما عم يتقلب ع الحطب والنار قدامكن، الخبزة ملدوعة بالنار … شو جايي عبالكن دجاج أو لحمة؟

فيكن تنقوا الشاورما دجاج مع زيادة توم وكبيس أو الشاورما لحمة مع خبز محمص على الحطب ورشة بقدونس وبندورة ولا أطيب من هيك.

ضروري تجربوهن مع صحن حمص على جنب، غطسوا كل كدشة بالحمص واستمتعوا بالطعمة اللذيذة. عندن كمان عرايس كفتا وسندويشات مشاوي ع الفحم وأكيد بطاطا مشوية.

يلا شو ناطرين تجربوا الشاورما ع الحطب!

الرقم: 542 471 05

دليلكن لأطيب شاورما بالضيعة: ٤ مطاعم لازم تجربوها شوفوا كمان،