لقينالكن ٧ مطاعم جبلية بالزعرور مميزة بالشتوية

من أجمل المناطق اللي ممكن تزوروها بالشتوية هي الزعرور، منطقة جبلية خلابة بالمتن الشمالي، وقاعدة على منحدرات جبل صنين. بتتميز بأعالي الجبال والقمم المكللة بالتلوج. هالقطعة من الجنة مقصد لكل محبي موسم التزلج، فيها أوتيلات كتير ومراكز تزلج ومطاعم جبلية وتجارب حلوة على مدار السنة وبكل الفصول. اليوم قررنا نطلع على هالمنطقة لنكتشف شو في مطاعم جبلية بالزعرور للشتوية. 

1. Roots Eatery

هالمطعم بيقدملكن المناقيش ع الصبح، والسناكات ع الغدا أو العشا. بتلاقوا البيتزا الطيبة، السندويشات المتنوعة،  البرغر الدسم، الدجاج المقرمش، وحتى الستيك الشهي. 

الرقم: 397 297 81 

2. Slice Zaarour

إذا طالعين ع الزعرور وعبالكن بيتزا إيطالية ع الحطب بتدفي البطن، هيك تطلع مقرمشة ورقيقة ومحشية صلصات إيطالية بتاكلوا صبيعكن وراها، لازم تجربوا هيدا المطعم المميز.

الرقم: 966 679 76

3. Zaarour View Restaurant & Bar

لقمة لبنانية أصيلة وجو مليان دفى بنص سقعة الزعرور! هالمطعم بيقدملكن جو حلو للجمعات مع أطباق لبنانية شهية، مازة جبلية، وكاس عرق غير شكل. 

الرقم: 528 258 81 

4. مطعم قصر البحيرة

مطعم قصر البحيرة بيستقبلكن على قعدة تراثية جنب الشاميني. والحلو انو هالمطعم قاعد جنب البحيرة، فبتقدروا حتى بعزّ الشتوية تستمتعوا بمنظر الجليد والجبال مع لقمة جبلية أصيلة.

الرقم: 779 111 71 

5. مطعم زهر الربيع

جربوا اللحمة النية ع أصولها بالزعرور عند هالمطعم اللبناني المميز، قاعد فوق الجبل وبينزلكن سفرة كريمة مع أطباق مغنّجة ع الآخر. 

الرقم: 564 444 70 

6. مطعم سما زعرور

مطعم سما زعرور اسم ع مسمى مع قعدة بتحسسّكن إنكن فوق الغيوم. بالشتوية، بتقدروا تستمتعوا بمنظر خيالي بالزعرور مع قعدة جنب الشاميني ولقمة مليانة دفى.

الرقم: 063 680 03

7. Ilago Zaarour Club

عبالكن تتزلجوا ومش عارفين وين تاكلوا؟ لازم تجربوا هالمطعم المميز مع قعدة جبلية إستثنائية جنب سفوح الزعرور وتلوج جبالها!

الرقم: 510 310 04 – 000 603 03 

خبرونا، حبيتوا مشوارنا على أطيب مطاعم جبلية بالزعرور؟ 

شوفوا كمان، بتحبوا الأكل الإيطالي؟ شوفوا أطيب ٣١ مطعم إيطالي بلبنان