٨ مطاعم مهضومة خرج ضهرة مع الولاد بلبنان

صار بدها مشوار نغير جو مع الولاد! خلونا نروح كزدورة على ٨ مطاعم بلبنان بأجواء روعة وألعاب للولاد وأكل ممتاز!

١. بيتزا نابولي، أميون

عندو قعدة كتير مهضومة وخرج عيلة وبقدم كل الأكلات يلي بحبوها الولاد من البيتزا والبرغر للباستا بأحجام كبيرة والولاد بكيفوا بالجو لأن في محل ليلعبوا ويتسلوا.

الرقم: 795 300 70

٢. المرجوحة، الحدت

بقدم كل الأكلات يلي بحبوها الولاد بالإضافة للمازة اللبنانية والطبخات يلي بتحبوها وعندن كمان محل ليسرحوا ويلعبوا الولاد.

الرقم: 749 456 05

٣. أهل الكرم، بعبدا

هالمحل عبارة عن قرية زغيرة رح ينغرموا فيها الولاد، كل نهار أحد بيعملوا أطيب أكل وحلويات وحفلة للولاد ونشاطات ما بتخلص وأغاني وألعاب لكل الأعمار.

الرقم: 285 052 03

٣. ذا لينك The Link

أكل طيب وألعاب اركايد وبولينغ ناطرينكن لتعيشوا مغامرة مهضومة مع ولادكن نهار الأحد.

أنطلياس: 407 403 04
مكلس: 416 490 01

٤. مطعم الشمس، عنجر

من أطيب المطاعم بلبنان، بتجوا مع الولاد بتستمتعوا بالأكل البيتوتي اللذيذ وبتخلوا ولادكن يلعبوا ويتسلوا بصالة الألعاب لأن زهقوا من نفس المشاوير ونفس المطاعم.

الرقم: 800 620 81

٥. كرم ع درب، فيطرون

عندن قعدة عائلية مهضومة خرج ضهرة مع القرايبين والعيلة وبحضروا كل أطباق المازة والأكلات يلي بحبوها الولاد وعندن كمان صالة ألعاب مميزة للولاد.

الرقم: 383 333 09

٦. نبع عنجر، عنجر

مطعم لبناني متخصص بالمأكولات اللبنانية البسيطة متل المازة الشهية وطبعاً ما بدنا ننسى المشاوي على الفحم وعندن كمان صالة طويلة عريضة ليلعبوا فيها الولاد ويتسلوا.

الرقم: 590 000 71

٧. لا جيراف La Girafe، ميروبا

بقدم سفرة لبنانية غير شكل ومأكولات سريعة بحبوها الولاد وفنجان قهوة مع قعدة مهضومة وسرود عبرود مع مشاوي ومازة لبنانية أصيلة ومحل ليلعبوا في الولاد وصالة ألعاب إلكترونية.

الرقم: 404 713 03

٨. وادي شمسين، بر إلياس

عندو قعدة حد النهر الجاري ومناسب كتير لجو مع العيلة أو الأصحاب، بالصيفية بتتمشوا فوق النهر وبالشتوية بتكنكنوا جوا. جربوا أطباق المازة من المشاوي والكباب، لأطباق القريدس والخروف وغيرن. الولاد إلن حصة كبيرة، في صالة ألعاب مميزة ونشاطات متل الpedalo، التجديف بالمي، ركوب الخيل، ال ATV وغيرن كتير.

الرقم: 377 677 81

شوفوا كمان: واستمتعوا بآخر أيام الصيف جنب النهر عند وادي شمسين!و٥ محلات خرج قعدة مهضومة مع الأصحاب ببيروت.