مطعم برغر محبوب من ال1967 رجع فتح ع المنارة!

مطعم برغر من أيام زمان رجع فتح من جديد على المنارة ببيروت! حزرتوا عن أي مطعم عم نحكي؟ مطعم لايت هاوس Lighthouse by Elite المحبوب وكان فاتح من سنة الـ 1967 رجع ع الساحة وبنفس الجودة والطعمة الطيبة!

هالمطعم الأميريكي بيقدم تشكيلة مميزة من الوجبات السريعة، متل البرغر والبيتزا لتجربوها مع عيلتكن أو أصحابكن، ولقمتو من ال 1967 لليوم بعدا شهية ومميزة، بتقدملكن الطعم الكلاسيكي اللي الكل إنغرموا فيه. بتلاقوا المطعم قريب من نادي الرياضي، ومميز لأكلة غدا بتشبعكن وبتبسطكن، وهيك بعد ما تخلصوا تروحوا تتمشوا على المنارة، أديه حلو؟ 

@beirut.com Keeping it real since ’67, Light House is your modern classic in the ❤️ of Manara⚓️! Explore the upgraded American classics 🍔while also supporting your local 🇱🇧culinary scene! 🍟🤩🍕 #fyp#beirut#lebanon #manara#lighthouse#burger ♬ Give It Up – KC & The Sunshine Band

مننصحكن تبلشوا غداكن عند مطعم Lighthouse بالمقبلات الشهية والكلاسيكية من موزاريلا ستيكس والخبز بالتوم الغني بالطعمة. بعدها جربوا البرغر اللبناني اللي بيعملوا، اللحمة طرية، مغرّق بالصوص، والخبزة طازة، بيتقدم مع سلطة ملفوف وبطاطا مقلية، وإذا عبالكن تجربوا طعمة المطعم الفريدة بتجربوا ال signature burger اللي عندن وبس هني بيعملوها، وبقلبو مكونات مميزة متل ال brie تشيز والمربى. طعم بحسسّكن بالنوستالجيا وبتمزمزوا فيه على الآخر. 

وعشاق البيتزا بيقدروا يستمتعوا بشريحة أو تلاتة من البيتزا الشهية، ومحبي السلطة كمان مرحب فيهن…بيجربوا طعم غني وفريش ولقمة خفيفة.

كتير منحب نشوف المطاعم المحلية المحبوبة والقديمة عم تفتح من جديد!

فيكن تزوروا المطعم لتجربة الطعم، أو تطلبوا ديليفري على 484 740 81 .

شوفوا كمان، ٥ كافيهات بيروتية مع منظر ع البحر