ضيعة من أجمل الضيع بلبنان ما حدا سامع فيها: شوفوا قصتها!

في ضيعة منسية قاعدة على كتف البقاع الشمالي وبتتمتع بجمال طبيعي ساحر. هالضيعة منا متداولة كتير على الخريطة السياحية لكنها تعتبر من أجمل الضيع لي ممكن تتخيلوها.

عن أيا ضيعة عم نحكي يا ترى؟ عم نحكي عن ضيعة يونين.

ضيعة يونين من أجمل الضيع لي ممكن تزوروها، مليانة ينابيع وبيقولوا إنو أحد ينابيع نهر العاصي بيتفجر من يونين وطبيعتها بتريح القلب.

^{المصدر: بقاعنا}

وقد ما الضيعة غنية بالمي ما في ولا بيت إلا وما عندو ساقية مي بيشربوا منا. عدد كبير من السكان بعيشوا على الزراعة وعلى صناعة المونة والتطريز وأواني القش والبسط والخياطة. يعني عايشين بعدن على البركة ويا نيالن!

وبيونين كمان شي كتير مميز وفريد، فيها ٥ طواحين عتيقة كانت تشتغل من زمان على المي قبل وصول الكهربا والتكنولوجيا. و مش من زمان كتير، وتحديداً سنة 1969 كانوا كل سكان الضيعة والضيع المجاورة يجوا ليطحنوا مونتن ويكفوا نهارن على البركة. أما اليوم فبعدن تنين من هل مطاحن ماشيين على الطريقة العتيقة.

شو بميز هالضيعة كمان؟ أكيد منظرها الساحر يلي منو بتشوفوا كل البيوت والسهول الواسعة وبيتحول للوحة فنية وقت مغيب الشمس وقدي مريحة للنظر تتطلعوا بهل جمال الطبيعي!

وبجنوب الضيعة رح تلاقوا مزار للنبي سليمان منو بيطلع نبع مي زغير ما بجف لا بالصيف ولا بالشتي وبقولوا طعمة ميتو متل الهليون مش دايقين متلها، كأنها من غير عالم!

وما في أجمل من التلج بس يغطي مرج يونين، بينزل متل القطن وبغطي كل الأرض وكل شي بصير أبيض ونقي، ما فينا نوصف قدي حلو هل مشهد!

شو بدنا نخبركن عن جمال هالضيعة وطيبة قلب أهلها لنخبركن، لازم تروحوا وتكتشفوها إنتو بعيونكن!

شوفوا كمان، ٥ فنانين من إيام التسعينات اختفوا فجأة ووين صاروا!