اختراع مهضوم وبشهي: كروسان ع تشيكن برغر!

شي مرة سامعين بكروسان ع برغر؟ وكيف إذا كان برغر كرسبي تشيكن؟

خبرناكن قبل عن اختراعات غريبة عجيبة بالأكل متل بوش دو نويل ع لحمة نية وسندويش الرز مع توم. أما اليوم رح نخبركن عن شي مش مجربينوا أكيد ويمكن حتى مش سامعين في بس على الأكيد رح تستحلوا تجربوا لأن شكلو بشهي: كروسان على تشيكن برغر!

إي صار فيكن تاكلوا كروسان على تشيكن برغر عند محل بتلاقوا بمنطقة حالات وإسمو Good Guys. هيدا المحل معروف بالفاست فود وبأصناف البرغر لي بيعملها وبكمياتو الكريمة وهلق صار معروف كمان بالكروسان ع تشيكن برغر.

يلي بحب الكروسان ويلي بحب البرغر صار في يدوق أطيب إختراع بيجمع التنين سوا عند ال Good Guys. كروسان ع تشيكن برغر محشية صوص بتدوب بالتم وقطعة كريسبي تشيكن وجبنة سايلة ع وجها مع فطر ومغطاية بالباربكيو. يا لطيف ألطف على هل اختراع!

فتح جديد على الطريق البحرية بوج حالات سور مير وأخد ضجة كتير مؤخراً، يعني بتمرقوا علي بس تخلصوا مشواركن إنتو ونازلين صوب بيروت وبتعبوا بطنكن عالآخر.

كروسان ع تيشكن برغر من الاختراعات لي لازم تجربوها هلق بالشتوية، زيدوها على ليستة القصص لي لازم تجربوها.

فيكن تطلبوا ديليفيري أو تزوروهن بحالات، الرقم: 547 478 81

شوفوا كمان، أطيب ٣ محلات صفوف بلبنان.