بالفيديو: ببغاء بتحكي لبناني صارت نجمة السوشيال ميديا

صح اللبنانية مهضومين، بس حيواناتن الأليفة على أهضم. تعرفوا على ليلا ، ببغاء رمادي أفريقي بتحكي لبناني على الآخر، وهالببغاء المهضومة كسحت السوشيال ميديا بسبب أحاديثها الحلوة مع بيها اللبناني.

مع إنها طير، بس حكيات ليلا كتير بذكرونا بحالنا كل ما بدنا شي من بيّنا اللبناني ونصير نقعد نتدلع عليه. الفرق انو ليلا ما بكون بدا مصاري متلنا، بيكون بدا تشيبس! اي متل ما سمعتو، ليلا كمان بتحب التشبيس وبتصرع بيها فيه. وفوق هيك، بتقلو شكراً كمان!

ببغاء ليلا بتسأل بيها إذا تعبان، وإذا اشبو شي، وحتى بتقلو يروح ينام، أديه الهضامة؟ ونحنا حابين نعرف من وين تعلّمت ليلا كل هالحكيات الحلوين، وبتقولن عاللبناني ع القد، يعني لا غلطة! 

هالفيديو اللزيز لاقى إعجاب كبير لدرجة في عليه 11 مليون مشاهدة على الإنستغرام، وهاي شوية تعليقات على الفيديو: 

صدقونا لما نقلكن الببغاء بيحكي عربي أكتر منّا ومنكن، إنتو بس شوفوا كيف بتقلو لبيها “نعيماً” لما يضهر من الحمام!

وحتى بتعرف تلعب غميضة منيح:

يعني ليلا بتحب بيها كتير وطاوشي الدني فيه، ونحن كمان منحبا الببغاء ليلا كتير!

إذا عندكن حيوان أليف وحابين تشاركونا فيديوهاتو أو صورو، حكونا على صفحاتنا على مواقع التواصل الاجتماعي: على فيسبوك، إنستغرام، و تيك توك.

حبيتوا هالمحتوى، شوفوا كمان:

بالفيديو: كلب هاسكي معلّق بتيتا لبنانية صارو مشاهير السوشيال ميديا

أهضم فيديو، ديو غنائي بين شاب لبناني و بلبل!