رجعت موضة قروض لعمليات التجميل على لبنان!

حزروا شو رجع درج بلبنان؟ قروض عمليات التجميل.

بتتذكروا قبل ما يفرط القطاع المصرفي بلبنان؟ بوقتا، كان بسهولة فيكن تحصلوا على بطاقات ائتمان، قروض سيارات، وحتى تحققوا أحلامكن بالجراحة التجميلية بمساعدة من بنك FNB، اللى كان وقتها بيعطى قروض بقيمة 5000$ لجراحات التجميل.

مع إنو بطلوا البنوكة حتى يعطونا مصرياتنا (وأكيد ما عم يعطوا قروض) في مؤسسات مالية عم تعبي فراغات. مثلاً، شركة مونتي يلي بتعرّف عن نفسها بأنها “أحسن من بنك”، عم تعطي قروض متنوعة ومنها قرض التجميل. 

مع إنو الفكرة غريبة ويمكن في أشيا ابدى من هيك، صحتين على قلب العالم. وانتو خبرونا، شو رأيكن بموضة قروض عمليات التجميل؟

تابعوا آخر الأخبار وشو عم بيصير بالبلد بقسمنا هون.