٥ فنانين من إيام التسعينات اختفوا فجأة ووين صاروا!

في كتير فنانين لبنانية موهوبين أصحاب أصوات جميلة وراقية اكتسحوا الساحة الفنية بفترة التسعينات لكن قرروا يبتعدوا عن الأضواء فجأة ومن دون سبب، تعوا نشوف كيف اختفوا ووين صاروا اليوم.

١. نينا وريدا بطرس

انشهروا هل اختين مع بعض من ورا صواتن الحلوة وكان أول ألبوم لإلن هوي “ليالينا” بعام 1995، ورجعوا أصدروا ألبوم “بأمارة ايه” عام 1996.

وحالياً تركت نينا الفن وكرست حياتها لعيلتها وعايشة بأميركا وصار عندها ٣ ولاد. وريدا كمان تجوزت من بعد ما اعتزلت الفن وكرست حياتها لعيلتها.

٢. كاتيا حرب

كلنا منتذكر صاحبة الصوت الدهبي وصاحبة غنية “أنا قد الحب” لي بعدت عن عالم الفن فجأة على الرغم من الشهرة والنجاح الكبير.

قررت تدرس لاهوت بجامعة الUSEK بالكاسليك وتفرغت لمساعدة العجزة واليتامى والمحتاجين.

٣. ماري سليمان

صاحبة الصوت الجميل تخرجت من برنامج ستوديو الفن عام 1980 وعلى الرغم من جمال صوتها ما كملت مسيرتها الفنية وبعدت عن الساحة الفنية.

ورجعت ماري على عالم الفن سنة 2006 بألبوم جديد مع شركة روتانا ومع غنية “بكرا منشوف” لي كلنا حبيناها، وشاركت بعام 2011 كعضو لجنة تحكيم لجوايز الموركس دور، ومن وقتها لهلق بعدت عن الساحة الفنية.

٤. مايا يزبك

قدمت عدد كبير من الأغاني الناجحة لي ضلت علقاني بذاكرة اللبنانيي متل “حبيبي يا عيني” و”بكرا رح بتسافر”.

ورجعت مايا يزبك اختفت عن الساحة الفنية من بعدها وما عدنا عرفنا عنا شي. وبعام 2011 حاولت ترجع على الفن مع الفنان أمير يزبك بتقديم إنتاجاتها القديمة بحلة جديدة.

٥. داليدا رحمة

قدمت عدد كبير من الأغاني لي ضلت علقاني بذاكرة اللبنانيي متل “غزل الهوى” و”يابلح زغلولي”.

تميزت بفنها الراقي وجمالها لكن رجعت اختفت فجأة عن الساحة الفنية وبحسب قولها قررت تختفي بسبب تراجع الأصوات الفنية الكبير.

وبعد فترة طويلة وسنوات من الصمت والابتعاد عن الساحة الفنية، صرحت داليدا عن أزمة مع شركة روتانا لي كان إلها دور كبير بإنسحابها من الساحة الفنية.

شوفوا كمان، أجمل مقدمات مسلسلات الLBC القديمة!