١٩ مطرح جديد ببيروت تجربوهن بال ٢٠٢٤

بيروت مدينة نابضة بالحياة والمشاوير الحلوة، وكل فترة بيفتحوا أماكن جديدة بتجارب مميزة وإستثنائية. لنبلش السنة الجديدة صح، مشوا معنا على 19 مطرح جديد ببيروت تجربوهن ب 2024!

1. جوليان، صيفي

مطعم بيقدم تجربة أكل فاخرة من الأطباق الأطلسية واليابانية، بتلاقوا فاتح بقلب صيفي!

الرقم: 700 557 70

2. سيمولينا، مار ميخايل

هالمطرح المميز بمار ميخايل بيقدم الحلاوة التركية والقهوة والليموناضة، حتى عندو إبتكار كتير حلو من ليموناضة وزيتون مسميه “زيتوناضة”

الرقم: 767 575 01

3. Ultar، مار ميخايل

مطعم الأول من نوعو بلبنان، بيجمع الفن والأكل بطبق واحد. عيشوا تجربة فاخرة وزوروا معارضن الفنية كمان!

الرقم: 522 452 03

4. The Terrible Prince، مونو

مطعم محبوب فتح من أول وجديد بلوك وإسم جديد، وكتير مشهورين بالبرغر الطيب اللي بيقدموا!

5. Buco، صيفي

مطعم وبار فاخر فتح جديد بصيفي، بيتميز بكوكتيلات بخلطات إستثنائية، وكمان البرغر الشهي.

6. بريڤ، بدارو

مطعم مستوحى من عصر موسيقى الجاز وأيام التمانينات! بيقدم أكل طيب مع جو حلو لمحبي الموسيقى والفن.

الرقم: 672 617 71

7. El Camión، جعيتاوي

جربوا أطيب الأكلات المكسيكية من ناتشو الجبنة والتاكو والمارغريتا مع قعدة ملونة ومهضومة عند هالمطعم اللاتيني.

الرقم: 344 417 03

8. Pastai، قريطم

لكل اللي عبالو باستا ع السريع، هالمطعم بيقدم أكل الشارع الإيطالي بطريقة مهضومة وشهية!

الرقم: 292 926 81

9. Brew’d، عدلية

اللي عم يفتش على قعدة رواق للدرس أو الشغل مع فنجان قهوة وسناكات طيبة ع الترويقة، لازم تجربوا هالكافيه اللطيف بالعدلية.

10. DROP، بليس

محل القهوة المحبوب بالجنوب وصل على بيروت، بتلاقوا بشارع بليس وعندو وبيعمل قهوة بتشق القلب أد ما طيبة.

11. يوروبا، صيفي

إدخلوا على عالم من نكهات Peru بخلطات يابانية، على أجواء فريدة وموسيقى مميزة.

الرقم: 590 590 71

12. Wrapped Bishou، الحمرا

مطعم جديد بيقدم سناكات شهية لمختلف الأذواق، ضروري تجربوا مع أصحابكن بمشواركن بالحمرا.

13. Lezed، الأشرفية

بار إستثنائي بالأشرفية، بيتميز بالديكور الشيك والأضوية الخافتة والنبيد الطيب، مطرح مناسب لموعد غرامي مع الشريك!

الرقم: 229 259 03

14. Club Soda، كرانتينا

مطرح بأجواء ساحرة لتحتفلوا أو لتسهروا وترقصوا مع أصحابكن على الموسيقى الحلوة.

الرقم: 262 224 81

15. ليڤانت، الجميزة

كافيه على الدقة القديمة بنص الجميزة، بيقدم حلويات شهية من الداعوقية والصفوف والمعمول وأكتر، وكلو على فنجان قهوة عربية مميز.

16. Blaze، الحمرا

وأكيد لمحبي الشاورما، لقينالكن هالسناك الجديد بيقدم شاورما لحمة غير شكل!

الرقم: 619 945 03

17. برغر هاش، قريطم

برغر هاش بيقدم البرغر على الطريقة الكلاسيكية والحلو انو هالمطعم الجديد مناسب لطلاب الجامعة بالحمرا.

الرقم: 172 172 70 – 686 868 01

18. دورومجي، الأشرفية

دورومجي هو مطعم تركي جديد ببيروت. وهني إختصاص أكلة الدوروم، يعني الرول التركي الملفوف مع الكباب!

الرقم: 855 664 81

19. Daily Cup، قريطم

كافيه جديد بمنطقة قريطم، بيفتح بكير، عندو قهوة طيبة وبيعمل كرواسون طازة وشهية.

خبرونا، أي مطرح جديد ببيروت رح بتروحوا عليه بالسنة الجديدة؟

شوفوا كمان، ١٥ مطعم شتوي مع قعدة جنب النار بلبنان