بالفيديو: كلب هاسكي معلّق بتيتا لبنانية صارو مشاهير السوشيال ميديا

عنجد فكرنا انو ما رح نلاقي شي أهضم من الديو الغنائي بين مغني لبناني و البلبل كوكو، لحد ما لقينا ثنائي تاني سوبر مهضوم! انتشر على سوشيال ميديا فيديو تيتا لبنانية مع كلبها الهاسكي، ولقى إعجاب آلاف من محبي الحيوانات بلبنان أد ما مليان حب ودفى وحنية. 

كاسبر كلب هاسكي كتير معلّق بهيدي التيتا اللبنانية وبيضل قاعد جنبها أو بحضنها طول الوقت، وانشهروا مع بعض على السوشيال ميديا لهضامة الفيديو تبعن. وبالفيديو كلب هاسكي ما بيقبل إلا إنو يقعد بحضن التيتا ويتدلع عليها! صدقونا، لما تحضروا الفيديو ما رح تروح البسمة عن وجكن، رح تفهموا علينا ليه الناس حبوهن هلقد:

وكل اللي عندن كلاب بيعرفوا أديه بيكونوا لطيفين مع الختايرة وبيحبوا يتدلعوا عليهن.  

وكاسبر بيحب التيتا لدرجة بيضل يقلها انو بيحبها، وبيعبر بطريقتو المهضومة والأليفة. وبالعادة كلاب الهاسكي من الكلاب اللي كتير بتحب تعبر عن مشاعرها. 

بس ما فينا نحكي عن كاسبر من دون ما نحكي  كمان عن إختو المهضومة ورفيقتو بالبيت بيلا! وأهضم شي انو بيضلن يتحارجوا مع بعض، وهالفيديو دليل لطيف على هالشي: 

للصراحة بعد هالفيديو، صرنا نحب كلاب الهاسكي أكتر!

ما تنسوا تابعوا كاسبر وتيتا على حسابن على إنستغرام لتضلوا تشوفوا فيديوهاتن أول بأول!

شوفوا كمان، بابا نويل عمل خناقة على العيد، وهيك كانت نكت اللبنانية ع تويتر