١٠ شغلات رح تفهمها إذا كنت أزغر ولد بالعيلة بلبنان!

الولد الزغير صح إنو مهروق كتير وغنوج بس كمان ما حدا بالبيت في يستغني عنو لأن بضل ملحق ع كل شي وكل حدا. خلينا نشوف ١٠ مواقف وشغلات رح يفهمها كل ولد زغير خلق بعيلة بلبنان.

١. إنت أكتر حدا مهروق ومغنج بالعيلة كلا

إخواتك الكبار لحقن بهدلة وأهلك كانوا قاسيين علين بس إنت ما حدا إلو قلب يزعلك

٢. أكتر حدا بالعيلة بياخد مصاري

بيطلعلك خرجية من أهلك متلك متل إخواتك الكبار لو إنت الزغير، ومش بس هيك كل قرابينك بحبوا يعطوك خرجية إلك مش لاخواتك

٣. إنت الولد المفضل عند الكل

بتضل الولد المفضل عند القرايبين والجيران والأصحاب لأن زغير ومهضوم كتير

٤. الكل بدو يبعتك على الدكان

بس أهلك أو إخواتك بدن شي غرض ضروري من الدكان عطول بيبعتوك إلك وممنوع تقول لاء

٥. كل تيابك مجيرين من إخواتك الكبار

ما بتعوز حتى تعمل شوبينغ، كل التياب وكتب المدرسة بتاخدن من إخواتك من دون ما تتعزب

٦. ما حدا بالو بعلاماتك

أهلك عطول كان بدن إخواتك يطلعوا الأول، بس عدورك صار آخر همن المهم تنجح

٧. ممنوع تعطي رأيك بشي لإن الكل أكبر وأوعى منك

بتضل الزغير بعيون الكل وما حدا بياخد رأيك جدياً

٩. عطول بقارنوك بإخواتك

خيك عمل هيك، ليش ما بتعمل متلو؟ وإختك هيك ليش ما بتتعلم منا؟

١٠. زمتط بإشيا كتير أكتر من أخواتك

طلعلك إشيا إخواتك ما حلمو فيها صار معك تليفون Iphone بعمر زغير بلا ما تطلب، بترجع على البيت ساعة لي بدك بلا مشارعة وما حدا بإلك شي غير “يا تقبرني”!

حلو الشعور ما هيك؟ مين بتعرفوا الولد الزغير بالعيلة؟ عملولوا تاغ بالكومانتس!

شوفوا كمان، ١٠ شغلات رح تفهمها إذا كنت أكبر ولد بالعيلة بلبنان.