زبطوا أحلى ضهرة مع رفقاتكن المغتربين على تطبيق وينك!

“ايمتى جايي ع لبنان؟” أديه كل مسافر أو مغترب لبناني بيسمع هل كم كلمة من أهلو وأصحابو؟ وكل ما يقرب موعد السفر، منتذكر الشعور الحلو لما نطلع بالطيارة ونكون راجعين على بلدنا عند الناس اللي منحبن وبيحبونا. بس لأنو كل واحد بيكون ببلد، من الصعب نضل على تواصل دايم مع بعض، بحال نحنا مسافرين أو غيرنا لي مسافر، وهالشي بيصعب علينا نزبّط ضهرات ومشاوير سوا لما نكون بلبنان. شو الحل؟ خلونا نعرفكن على “وينك”  Wynk، تطبيق مجاني عملوا لبناني مغترب لباقي اللبنانيين المغتربين، هدفوا  يقرّبنا من حبايبنا رغم بعد المسافات، سواءاً كانوا بلبنان أو برا.

[ألكسندر نور، مؤسس Wynk عم بيرحب بالمغتربين بالمطار]

خلونا نعرفكن على وينك! 

وينك عبارة عن تطبيق بيشتغل متل الأجندة Calendar منقدر نشاركها مع أصحابنا بلبنان أو برا. بهالطريقة أصحابكن بيقدروا يشوفوا شو في على الأجندة الخاصة فيكن، وهني بيقدروا يشاركوا معكن أجندتن الخاصة. على هالأساس، بتقدروا تعرفوا إذا حدا جايي على لبنان وشو البرنامج تبعو لما يكون هون، فبيصير أسهل عليكن تنسّقوا وتزبطوا ضهرة مع بعض.

كيف بيشتغل تطبيق وينك؟ 

ومجرد ما تعرفوا مين من أصحابكن جايي قريباً على لبنان، بتقدروا تبلشوا تخططوا سوا. كل اللي عليكن تعملوا هو إنشاء حدث Event، تحددوا التاريخ، وتدعوا أصحابكن وعيلتكن من خلال التطبيق. Wynk كمان عندن خاصية RSVP ليقدر كل حدن بتدعوا على الإيفينت من تأكيد الحضور. 

هدف “وينك” يساعد الناس ويقرّب الشعب اللبناني بلبنان و بالخارج ليضلوا على تواصل دايم. وإذا في شي بيحبوا اللبنانية، هوي الجمعات مع الناس اللي بيحبوهن. 

فإذا كنت مغترب بدك تزور لبنان، رح تتمكن من التخطيط قبل زيارتك، لتشوف كل الناس اللي بتحبا وتستمتع قد ما فِيك ببلدك قبل ما تسافر مرة تانية. وإذا عندك أصحاب وعيلة برات لبنان، رح تقدر تعرف تواريخ زيارتن لتقدر تزبط وقتك ع وقتن. 

هل بيقدر الكل يشوف Events الخاصة فيك على التطبيق؟

الأجندة بتطبيق “وينك” بتحافظ على كامل خصوصيتك وبس انت بتقدر تشوف كامل برنامجك. وعندك الخاصية تحدد الأشخاص اللي حابب تشاركن الحدث. 

لتجربة تطبيق Wynk، بتقدروا تنزلو من App Store وGoogle Play، وتأكدوا من التسجيل بقائمة ضيوف Wynk للحصول على دعوات لكل الأحداث الحصرية.

 وما تنسىوا متابعتن على إنستغرام لتشوفوا محتوى مميز ومفيد!  بتلاقوا موقع وينك الإلكتروني وكامل التفاصيل بالرابط هون.

خبرونا؟ حبيتوا “وينك“؟