لقينالكن أطيب برغر كلاسيكي عند Hach Burger!

ما في أطيب من البرغر الكلاسيكية وقت يضرب الجوع! لكل محبي البرغر اللي عم يدوروا على محل جديد ينغرموا فيه، خلونا نخبركن عن هاش برغر Hach Burger!

بتلاقوا مطعم Hach Burger بقريطم حد جامعة LAU، بيقدملكن وجبة برغر مثالية ومحرزة على الغدا، خلال دوامكن بالجامعة أو بعد نهار شغل طويل.

هالمحل كتير رح يعجبكن بلقمتو الطيبة وأسعارو الحلوة! وعندن منيو متنوعة وخيارات برغر شهية بتناسب كل الأذواق، من برغر بشريحة لحمة طرية ودسمة، ل smashed برغر مغرّق بالصوص المليانة نكهات مميزة وخاصة بالمحل. بتلاقوا برغر اللحمة مع الفطر، برغر الدجاج المشوي، برغر ترافل، وأكيد برغر دجاج كرسبي. الحلو انو هالمطعم بيقدملكن طعم البرغر الكلاسيكي متل ما الكل بيحبو وعلى أصوله، بتلاقوا عندو كدشة بتفرفح القلب والبطن!

وإذا عبالكن شي غير الطعم الكلاسيكي، ما بتكمل معكن من دون ما تجربوا الـ Signature Hach Burger! بتتقدم البرغر مع تشيكن تندرز بيشهوا، وبطاطا مقلية مقرمشة وطيبة، عدا عن الخبزة الطازة والدهبية، منظر بيشق القلب!

وإذا انتو من محبي الهوت دوغ، رح بتلاقوا قصص بتشهي ناطرتكن! وصدقونا الصوص اللي بيعملها غير عالم والهوت دوغ بتطلع محشية على الآخر. وأكيد ما تنسوا تتركوا مجال للحلو، لأنو حتى تحلاية بعد الغدا مميزة عندو، من ال churros لعشاق السكر، لفطيرة التفاح الشهية.

هاش برغر محل مميز لكل عشاق البرغر! شو ناطرين؟ عزموا أصحابكن اليوم قبل بكرا!

لمزيد من المعلومات، شوفوا حساب المطعم على إنستغرام، أو اتصلوا على 172 172 70 أو 86 86 86 01.