١٥ شغلة بتصير كل سنة بس على عيد الميلاد

ما في أحلى من فرحة العيد وأجواء العيد والأكل الطيب والجمعة الحلوة، كرمال هيك رح نخبركن اليوم عن القصص لي بتصير معنا كل سنة نهار عيد الميلاد.

١. بتجتمع كل العيلة الكبيرة نهار الأحد على الغدا وعجقة وخفقة

٢. والغدا أكيد دجاجة محشية رز ومشاوي ومازة لبنانية

٣. القعدة مع ولاد العم وولاد الخال والتيتا والجدو والولاد الزغار كلن إلها طعمة غير بهيدا النهار

٤. الكل بصير شايف حالو بزينة الميلاد لي عندو ومين شجرتو أكبر ومين مغارتو أجمل

^{Credits: Lebanon in a Picture}

٥. كل الولاد بكونوا لابسين تياب جديدة ومرتبة ومبسوطين

٦. كل الستات بزبظوا شعرن chignon عند الكوافير

٧. كل حدا بشوفكن بدو يبوسكن ويعيدكن وبتسمعوا كلمة pareillement فوق المية مرة

٨. التيتا بتجي بتعطي الولاد مصاري بالخفي عن أهلن: يا تقبرني خود

٩. بعد الغدا عطول التحلاية أطيب بوش ع شوكولا

^{Creadits: Bouquet Lebanon}

١٠. الضيافة عطول شوكولا العيد وملبس وفنجان liqueur

١١. الكل بعيد الكل وبصير يجيكن زيارات كل النهار

١٢. ركوة قهوة رايحة وركوة قهوة جايي

١٣. بعد الغدا بصير أهم حدث بالكرة الأرضية: توزيع الهدايا

١٤. الكل بكون مبسوط و بصير يتصور وبتنزلوا الصور على فيسبوك وانستاغرام

١٥. فجأة كل الناس بتصير تحب بعضها وكل الناس بتسلم على بعضها

شوفوا كمان، شوفوا أسعار حبشة العيد الجاهزة عند أشهر المحلات بلبنان!