خبر حزين عن بياع الكعك يلي إنشهر مع دكتور فود

بتتذكروا بياع الكعك الشهير يلي عمل ضجة كبيرة على مواقع التواصل الاجتماعي بسبب طيبتو ولقمتو الطيبة؟ توفى العم هيثم الضناوي بياع الكعك المشهور بطرابلس مبارح المسا وترك بقلوب الناس يلي عرفتو ذكرى حلوة كتير.

بتتذكروا قصتو الشهيرة من بعد ما صار في بلبلة بينو وبين در فود على الكعكة واتنقدوا بوقتها در فود؟ الناس كلا تفاعلت معو وحبت تجرب الكعكة عندو فصاروا يجو من كل المناطق على طرابلس بس ليجربوا الكعكة الشهية من دياتو ويفرجوا محبتن وتضامنن: وهيك دخلت الكعكة الطرابلسية البسيطة مع جبنة طازة وشوية بركة عالم الشهرة الواسعة أكتر وأكتر على يد العم هيثم!

View this post on Instagram

A post shared by عمر الحداد | omar haddad (@_omarhaddad)

ومن بعد يلي صار وقتها، كانت ردود فعل الناس روعة، إجو لحد البسطة واستقبلوا بالطبل والاحتفالات والأغاني يلي شجعتوا يكفي بعد التنمر يلي تعرضلوا وهيك الناس صارت تقصدوا.

للأسف توفى مبارح المساء، بس فينا نقول إنو ترك بصمة حلوة بقلب كل الشعب اللبناني يلي جرب الكعكة عندو ويلي ما جربها!

الله يرحمو ويعزي أهلو!

شوفوا كمان، مهرجانات عيد الميلاد بضيع لبنان هالسنة!