شوفوا مهرجانات عيد الميلاد بضيع لبنان هالسنة!

رح نخبركن اليوم عن أبرز مهرجانات عيد الميلاد هالسنة بالضيع اللبنانية مع أبرز النشاطات الميلادية والمعارض وأكيد الدخول مجاني للجميع!

١. بكفيا

الميلاد هالسنة رح يكون غير شكل بضيعة بكفيا من 15 ل23 الشهر، رح يكون في كيوسكات أكل وشرب وهدايا وزينة العيد وأجواء مميزة بساحة الضيعة والدعوة مفتوحة للجميع.

View this post on Instagram

A post shared by Municipality of Bickfaya (@municipalityofbickfaya)

٢. برمانا

هالسنة أجواء العيد رح تكون ولعانة بشوارع برمانا من 20 ل30 الشهر ورح يتضمن المهرجان يلي من تنظيم Street Festival موسيقى، ألعاب ونشاطات للولاد ومطاعم ومحلات ومعارض فنية وأشغال حرفية بالإضافة لزينة العيد.

View this post on Instagram

A post shared by Street Festival (@streetfestivall)

الرقم: 420 004 81

٣. بنشعي

تزينت بنشعي بزينة الميلاد وضوت شجرة الميلاد البحيرة، وناطركن المهرجان من 8 الشهر ل8 الشهر الجايي مع أكل وتراتيل وموسيقى وأنشطة ميلادية وألعاب وعروضات للولاد والعيلة لتعيشوا أجواء العيد المميزة.

View this post on Instagram

A post shared by beiruting.com (@beiruting)

الرقم: 020 908 76

٤. القبيات

قصص كتير حلوة ناطرتكن بهالمهرجان الميلادي من تنظيم مؤسسة Insan من العروض المباشرة الروعة للزغار من 21 ل25 الشهر بمشاركة فرق animation بالإضافة لسوق للأكل والحرفيات وكتير كتير مفاجأت فرحة ومحلات للهدايا أكيد!

View this post on Instagram

A post shared by مؤسسة انسان (@insan_lb)

الرقم: 041 103 79

٥. عين دارة

رح تفتتح بلدة عين دارة معرضها الميلادي لهالسنة نهار السبت 23 الشهر ورح يتخللو معرض للمأكولات والمونة والأشغال اليدوية ونشاطات للأطفال وعروض موسيقية.

الرقم: 016 220 05

٦. بشري

رح تفتفح بلدة بشري معرضها الميلادي السنوي السنة ب16 الشهر ورح يستمر لأول الشهر الجايي، ورح يتخللو كيوسكات أكل وشرب وهدايا وزينة العيد مع موسيقى ورقص ونشاطات مميزة للكبار والزغار.

٧. معاصر بيت الدين

هالسنة المعاصر رح تلبس حلة الميلاد وتتزين بأجمل زينة وباللون الأحمر المميز، افتتاح المعرض الميلادي رح يصير نهار السبت 16 الشهر ورح يستمر للأحد 17 ورح يتضمن نشاطات مميزة وكيوسكات أكل وهدايا.

View this post on Instagram

A post shared by بلدية الباروك -الفريديس (@barouk_friediss_municipality)

٨. شرتون

هل سنة أجواء العيد رح تكون ولعانة بشوارع شرتون، من 15 ل17 الشهر ببلش المعرض الميلادي وبيتخللو كيوسكات مونة بلدية، حلويات ومشروبات وزينة العيد وغيرها من الأمور لي رح تفرحلكن قلبكن.

١٠. حصرون

رح تفتتح بلدة حصرون هل جمعة القرية الميلادية نهار 16 الشهر يلي رح يتم في عرض أعمال يدوية مع جو ميلادي مميز ونهار الأحد 17 رح تجتمع الضيعة حول بناء وتزيين الحلويات.

الرقم: 511 695 76

عقبال كل سنة!

شوفوا كمان، دليل أبرز مهرجانات كريسماس بلبنان لعام 2023.