مطعم جديد بلبنان بيعمل عصافير وبس!

شو عصافير بطنكن عم بزقزقوا؟

حزروا ملا خبرية غريبة عجيبة؟! فتح مطعم جديد بلبنان وما بيعمل شي غير عصافير!

@mr.3asfour

عصفور تيّان مسقسق بدهناتو ، اسرع قبل ما يطيرو

♬ original sound – Mr.3asfour

متل ما سمعتوا، بس عصافير! وهل محل إسمو مر عصفور Mr 3asfour وبتلاقوا بضبيه.

زهقتوا تروحوا على نفس المطاعم وزهقتوا تاكلوا نفس الأكلات كل مرة؟ ليلو بحضرلكن أطيب سندويش عصفور تيان مسقسق بدهناتو مع صوص مميزة! بحضرلكن العصافير مقلية أو مشوية حسب رغبتكن، بالعروس أو بالصحن وبتدعموها ع قد ما بدكن.

@mr.3asfour

Awal Concept Pure 3safir, men Dbaye La Kel Lebnen! Meet us Saturday 09/12/23 for the opening!🥳

♬ original sound – Mr.3asfour

وغير هيك هل محل بحضر عرايس وصحون مشاوي كمان متل الكفتا واللحمة.

رح تاكلوا عصافير لتشبعوا وما بق في لزوم تعتلوا هم مشوار الصيد ولا موسم العصافير، لأن Mr 3asfour ناطركن كل أشهر السنة يعني من كانون لأيلول، وعم بحضرلكن أطباق وسندويشات عصافير طازة.

هيدا المشروع مناسب لكل يلي بحبوا أكلة العصافير، أو لكل حدا عبالو يجرب شي خارج عن المألوف.

وإنتو شو رأيكن بتجربوا أو بلاها؟

العنوان: جنب ترومبة كورال، ضبيه

الرقم: 700 973 78

شوفوا كمان، ٥ محلات بتقدم كنافة ع شوكولا بلبنان…وأسعارها.