لقينالكن أحلى مشاريع الكريسماس مع الحبيب

العيد عطول بيقربنا من الناس اللي منحبها و العزيزة على قلوبنا. لأنو لبنان عندو جماله الخاص بالكريسماس، العيد ما بيكمل من دون مشاوير وضهرات حلوة مع أحبابنا. لكل حدا بدو أفكار لمواعيد رومانسية ومشاوير دافية مع الشريك، لقينالكن أحلى مشاريع الكريسماس مع الحبيب. 

1. كونوا شيف لنهار كامل عند كتشن لاب وجربوا منيو العيد تبعن

تعلّموا كيف تعملوا حلويات العيد، أو كيف تطبخوا أطيب عشا للعيد مع شريك حياتكن، من أطباق اللحمة ولينغتون الطرية، أو مأكولات فرنسية وحتى الإيطالية، وكمان طبق الدجاج المشوي بالفرن المعمول بتتبيلة خاصة. هالورشات عكذا نهار، انتو كل اللي عليكن تنقوا النهار اللي بيناسبكن وتشوفوا المنيو اللي ناطرتكن.

المكان: مونو، بيروت

الرقم: 884 790 81 

2. جربوا حلويات العيد عند سمشكيز

حلّو أوقاتكن مع الحبيب بحلويات العيد الشهية من هالمحل. ناطركن cakesicles مهضومين، حلويات الشوكولا على شكل شجرة الميلاد بتدوب بالكاكاو الساخن،  وكدشات بتحلي الروح وبتقرّب القلوب.

المكان: البياضة (الرقم: 352 444 04) – مار ميخايل (الرقم: 352 444 01)

لتعرفوا وين بتلاقوا بعد حلويات عيد مميزة، إكبسوا هون.

 3. كزدروا بسوق البترون وعيشوا جوّ العيد بمهرجان ـكابيتال دو نويل

كلنا منعرف أديه البترون مليانة حياة وجمال خاص بالكريسماس. تمشوا بالشوارع المزينة وإقعدوا تحت الأضوية الساحرة، جربوا أكل وحلويات طيبة مع مشوربات دافية، إشتروا هدايا، وخدوا أحلى الصور مع حبيبكن. لتتعرفوا على كل المهرجانات الحلوة هالعيد، إكبسوا هون. 

المكان: سوق البترون

4. عملوا زينتكن الخاصة للميلاد مع CreativeNass وعلقوها على الشجرة لتبقى ذكرى

فكرة حلوة ومليانة حب بتخلّد ذكرى لطيفة بين كل العشاق! ميلوا على هالمحل المهضوم وعملوا مختلف أنواع زينة الميلاد على إيديكن، أو عملوا هدايا خاصة لإحبابكن بالعيد. 

المكان: بدارو

الرقم: 554 656 76

5. عيشوا سحر عيد الميلاد على الجليد ب Christmas on Ice 

أكبر سيرك على الجليد بلبنان، تفرجوا على عروض تزلج ساحرة وقضوا وقت حلو مع بعض بتضلكن  تتذكروا مدى العمر. 

المكان: قصر المؤتمرات، ضبية

الرقم: 101 219 81

6. إنبسطوا بموعد غرامي مكنكن مع أجواء العيد عند Unicorn Coffee House

إكمشوا إيدين بعض، إقعدوا جنب الشجرة المضوية، ودوقوا كباية كاكاو ساخن مع مارشميلو وكوكيز الميلاد! جو بيدفي القلوب على الآخر!

المكان: برمانا

الرقم: 966 822 71

8. عيشوا روح العيد لحظة بلحظة بأمسية حلوة عند لو جاردان

إنبسطوا بليلة شتوية وهادية عند لو جاردان، محل chill وزغير رح يسرق قلوبكن بأشهى الأكلات الدافية والمشروب الطيب.

المكان: الأشرفية

الرقم: 076 343 03

وانتو، شو عندكن بعد مشاريع الكريسماس مع الحبيب؟

شوفوا كمان، ٣ مطاعم رومانسية بلبنان أكيد مش سامعين عنها!