لعشاق القهوة، ١١ كافيه بيعمل قهوة مختصّة ببيروت

كل محبي القهوة عنجد بيعرفوا انو تحضير القوة فن بحد ذاتو وما بتنشرب من وين ما كان. القهوة المختصّة محمّصة ومحضرة بطريقة إستثنائية وإحترافية، وكرمال هيك طعمها بكون غني وطيب. خلونا ناخد كل عشاق القهوة على 11 كافيه بيعمل قهوة مختصّة ببيروت.

1. إيدا أرابيكا، كليمنصو

كافيه رايقة بقلب كليمنصو، ايدا عربيكا بتعيشكن حبكن للقهوة المميزة مع مشروباتن الإستثنائية. وحتى هالمكان بيعمل ورشات من وقت لوقت لتتعلموا كل شي عن تاريخ وصناعة القهوة، مصادرها، وكيف تقيّموا طعمتها وجودتها.

الرقم: 761 888 81

2. كالي كوفي كو، مار مخايل و راس بيروت

هالكافيه المحلي بيقدم قهوة مختصّة من أعلى جودة، وجايبينها من أفضل مناطق إنتاج القهوة بالعالم. عشاق القهوة رح يتسنى إلن يسافروا حول العالم مع تشكيلة النكهات، سواءاً جوا بالجو البيتوتي الدافي أو بالجنينة الرايقة.

الرقم: 342 780 03

3. ستيم بانك، الأشرفية

معروف بديكورو يلي بيجمع الستايل الصناعي والأجواء المميزة، قهوتن بتتميز بنكهات قوية وريحة بتحسسكن بالانتعاش وأنتوا عم تتمتعوا فيها. في كمان عندن حلويات شهية بتغمسوها مع قهوتكن. فيكن تميلوا على هيدا المكان لجلسة قهوة سريعة وعفوية مع رفقاتكن.

4. بن كوفي بار– بدارو، الجميزة، والحمرا

بن كوفي بار بيقدم قهوة مختصّة ببيروت بمجموعة نكهات من كل أنحاء العالم، وأهم شي عندن هي جودة القهوة وطعمها الغني.

5. ذا باك برنر، الصيفي

استمتعوا بطعم القهوة المختصّة من قلب منطقة صيفي عند ذا باك برنر، مطرح بيحب يشاركن حبّو للقهوة الإستثنائية ببيروت. بيستورد حبوب القهوة المحمصة من أفضل الأماكن. مطرح بتقدروا تشربوا فيه القهوة على أصولها مع مخبوزات شهية. 

الرقم: 343 989 01

6. كافيين، مار ميخايل

هالكافيه ميزتو قعدتو المريحة، موديل الروك أند رول، والقهوة المختصّة اللي فايحة ريحتها الشهية. كافيين بيحمّص وبيصنع أجود قهوة ببيروت، مع باريستا محترفين بفن صنع القهوة. مين ما بيحب ياخذ قهوة الصبح من محل مليان حياة متل هيدا؟

الرقم: 360 446 01

7. Sip، الجميزة

هالكافيه المهضوم ما بخيّب أملكن بطعمة القهوة المختصّة اللي بيعملها! بيقدم تشكيلة مميّزة من الخلطات الفنية على قعدة زهرية ولطيفة.

الرقم: 569 567 01

8. فلات وايت، مار ميخايل

مطرح مثالي لتستمتعوا بريحة وطعم القهوة المختصّة على رواق، Flat White كمان بيقدملكن أكلات طيبة لتبلشوا يومكن بنشاط!

الرقم: 191 990 70

9. ذا سلو، مار ميخايل

هالConcept Store وكافيه بمار ميخايل بيقدملكن وجبات شهية وقهوة طيبة، مع تشكيله حلوة من التياب والاكسسوارات والتحف اللي ممكن تشتروها كهدية. السلو جاهز يستقبلكن، سواء بدكن قهوة مختصّة، ترويقة صحية، أو جولة تسوق سريعة.

الرقم: 470 858 76

10. كافيه بردل، تباريز

كافيه بردل رح ياخدكن لعالم مليان موسيقى، قهوة مختصّة وكوكتيلات مميزة. الكافيه عندو ما لا يقل عن 12 نوع قهوة و10 طرق تحضير، فممكن نقول بكل ثقة إنه حتى أكبر محبي القهوة رح يلاقوا حالن دايمًا بقلب هالمطرح.

الرقم: 211 233 03

11. كافيين 1922، مار الياس

كافيه من 1922 فاتح بمار الياس، وعندو قهوة بترضي كل الناس! بيختاروا قهوتن بعناية من أفضل المزارعين بالعالم، وفنجان القهوة من عندن ممكن يكون أحلى طريقة لتتنشطوا بالنهار!

الرقم: 169 113 03

شوفوا كمان، ١٤ مطرح بيفتحوا قبل ٨ الصبح ببيروت