٩ مطارح بتعمل حلويات العيد بطريقة مميزة

أول ما ندخل على ديسمبر وموسم الأعياد، منصير نشتهي الحلويات والشوكولا. فكيف إذا كانت حلويات من وحي الكريسماس؟ لقينالكن  9 مطارح بلبنان بيعملوا حلويات العيد بطريقة مميزة ومهضومة. 

1. سماشكيز، مار مخايل و البياضة

بوش نويل على شكل  شجرة عيد الميلاد، قنابل من الشوكولاتة الساخنة، وكوكيز عيد الميلاد من صندوقهم الخاص بـ Elf on a Shelf! SmushKies عم ياخدوا موسم الأعياد على مستوى مميز مع حلوياتن الميلادية. 

الرقم: 352 444 04 – 352 444 01

2. نيو بيروت، بدارو وأشرفية

مين ما بيحب يشتغل على بيوت الـ Gingerbread لعيد الميلاد؟ ومش بس هيك بتلاقوا رزنامة حلويات بقلبها قطع شوكولا بتجربوها كل يوم لحد ما توصلوا على العيد!

الرقم: 444 501 03

3. إكس أن دووز (أونلاين)

عبالكن الدونات مع زينة الميلاد؟ XnDoughs دايمًا بيبدعوا بالحلويات بموسم الأعياد. كما فيكن تشتروا البوكس الكامل للزينة لتعملوهن بالبيت على إيدكن مع الولاد. 

الرقم: 891 520 71

4. ذا بيزبي، كليمنصو

بتلاقوا أهضم سلات الميلاد عند هالمحل، عندن حلويات للكريسماس ومخبوزات غير شكل! 

الرقم: 755 748 01

5. تي سكوير، سوديكو

واحد من أشهر محلات الكيك، هالمحل إختصاصو يعمل غاتو لكل المناسبات والأعياد! عندو كمان Gingerbread، كب كيك كريسماس، وبوش نويل مميزين!  

الرقم: 246 916 03

6. كيك بيري، الحازمية

بتجربوا طعم قنابل الشوكولا الدايبة أو بتزينوا الكوكيز المقرمشة مع الولاد عند كيك بيري. بتعيشوا لحظات حلوة مع ولادكن على العيد! 

الرقم: 050 114 71

7. Neighbourhood، جميزة

مرقوا على هالكافيه المهضوم بالجميزة وجربوا الكاكاو الساخن اللي مليان مارشميلو ومزيّن بصوص من الشوكولا. وما تنسوا تغمسوا قطع البسكويت بالزنجبيل بمشروبكن الدافي.

الرقم: 184 446 01

8. مخبوزات غينا، عين الرمانة

هيدا المطرح بيقدملكن بوش نويل بطريقة مميزة وإستثنائية. رح تحتاروا بين بوش الشوكولا الغنية، أو بوش الفستق مع الفريز! إطلبوا أونلاين هون. 

9. شوك ان بوش، أليسار

هالمحل الحلويات بيقدملكن تشكيلة مميزة للأعياد متل كيك pops ، بوش دو نويل، قنابل الشوكولا الساخنة، وأكتر بكتير.

خبرونا بالتعليقات، شو كمان بتحبوا تجربوا من حلويات العيد؟

شوفوا كمان، ٨ محلات هوت تشوكولات لازم تجربوها بلبنان