في موضوع مهم لازم نحكي في: برغر ع شوكولا!

شوكولا وبرغر، الكلمتين المفضلين عنا. معقول يكون في شي أطيب من الشوكولا ومن البرغر؟ خلينا نخبركن إنو حلمكن حقيقة لأن رح تلاقوهن مجموعين سوا. إي متل ما عم تسمعوا، في محل صرلو فترة عامل حلو ولا أهضم لي هوي “برغر ع شوكولا”.

بالوقت يلي كل المحلات صار عم تعيد حالا بالأكل، حبينا نفيدكن شوي بأكلة مهضومة.

محل مهضوم كتير عندو أكتر من فرع بين بيروت والجنوب عم يتفنن بهل الحلو الخرافي، وهالمحل هوي تشوكولات بار Chocolate Bar.

عبارة عن برغر مألف من خبزة البانكايك محشية طبقات براوني، موز، فريز مغطسين بكريمة الجبنة مع صوص شوكولا ع الوج… هالطبق السوبر حلو رح يرضي غرور عشاق الشوكولا بقوة.

هاي من التحلايات لي لازم تجربوها هلق بالشتوية وفترة العيد، زيدوها على الليستا القصص لي لازم تجربوها.

مين عازمين؟ خبرونا بالكومانتس! وصحتين سلف يا حلوين!

الضاحية: 718 547 01
الحمرا: 939 747 01
صور: 662 886 70
النبطية: 040 767 07

شوفوا كمان، ٨ محلات هوت تشوكولات لازم تجربوها بلبنان.