مطعم باستا غير شكل بنص بيروت، لازم تجربوه!

معقول يكون في شي أطيب من الباستا؟ أكيد ولا شي!

مطعم بوليز أو Paulie’s فتح بنص بيروت ما صرلو زمان وتحديداً بشارع الجميزة وعم بقدملكن أطيب باستا من النار دغري على صحنكن.

شو بدنا نخبركن عن هالمحل لنخبركن، بحضرلكن أشهى الأطباق الإيطالية وبحطن بقلب علبة كرتون مهضومة مع كل الطعمات لي بتحلموا فيها من الباستا للسندويشات للريزوتو وقريباً رح يبلشوا بالبيتزا وحتى عندن حلو إيطالي.

فكرة المحل كتير مهضومة، لكل حدا عبالوا ياكل لقمة على السريع وعبالوا شي طيب وبشبع منيح بيجي وبياكل لي عبالوا وبكفي مشوارو أو في يقعد بقلب القعدات المهضومة بالمحل.

مشوار ولا ألذ من هيك مع الأصحاب لتجربوا على السريع الريزوتو بالحامض أو الكالاماري المقلي، وباستا الترافل مع فطر وشو في كمان قصص طيبة؟ مننصحكن بصحن سباغيتي بومودورو الغنية بصلصة البندورة أو الباستا فيتوتشيني مع قطع دجاج وكمان في ساندويش الدجاج مع بارمزان كتير مخيفة.

بمجرد ما تقربوا من المحل وتشموا الروايح الطيبة للباستا الطالعة من جوا، رح يطلبها قلبكن وبطنكن وأحسن وأحسن إذا بتجوا على معدة فاضية هيك فيكن تجربوا أكتر من صنف وتتشاركوهن مع أصحابكن.

عدن 6 أنواع باستا من السباغيتي للريغاتوني للينغيني، للفيتوتشيني، للمعكرونة والبيني عدا عن الطعمات والنكهات والصوصات لي بتنضاف لكل طبق باستا.

ويلي بس بحب يجرب قصص جديدة، الريزوتو بالحامض أو بالفطر هني الحل.

باوليز Paulie’s أكيد رح يرحب فيكن بحيلا وقت بتقصدوا، وفيكن كمان تطلبوا على رقم 685 877 70.

شوفوا كمان، أطيب ٥ محلات تشيكن برغر بلبنان.