٥ مطاعم أصيلة لازم تجربوها بطرابلس

طرابلس مدينة قديمة بتعج بالحياة وأطيب المطاعم كمان، وإذا حابين تقضوا نهار ومش عارفين وين تاكلوا حضرنالكن ليستا تنقوا منا المطعم يلي بناسبكن. مشوا نشوف أطيب مطاعم طرابلس!

١. بيتنا إكسبرس

من أشهى مطاعم طرابلس القديمة و العريقة، و جايبلكن تجربة البيت الطرابلسي على الأصول، جربوا عندو تشكيلة متنوعة من المازة للمشاوي للطبخات البيتوتية للاختراعات لي ما بتلاقوها غير بهيدا المطعم متل كعب الغزال وقصص بتستحلوها لأول مرة. بزوروا الناس من مختلف المناطق لياكلو أطيب أصناف المازة اللبنانية لي مشهور فيها ومش بس هيك و بيقصدوا السواح الأجانب ليتعرفوا علي ويدوقوا أطيب الأكل الطرابلسي.

الرقم: 322 123 70

٢. عكرة

من المطاعم التراثية العتيقة بطرابلس، متخصص بأطباق الترويقة الأصيلة ومعروف بأصناف الفول والحمص والفتة والقصص لي بتجي عبالكن الصبح مع لقمة خبز وصحن خضرا غير شكل وقعدة بنص السوق. ومش بس هيك كمان بقدم هالمطعم أشهى الأطباق الشعبية لي هني السودة والبيض و القاورما و البليلا وغيرها من أطيب الأكلات الحلبية.

الرقم: 500 438 06

٣. الحج علي

مطعم مميز قاعد بقلب بيت شرقي بطرابلس وجايبلكن تجربة البيت الطرابلسي على الأصول! هالمطعم بيتميز بالأكلات الطرابلسية لي بتشق القلب والسهرات الشرقية. جربوا كمان الطبخات البيتوتية لي بتحبوها وفيكن كامن تسردوها على المشاوي وأطباق المازة اللبنانية. المميز بهل محل قعدة البيت الطرابلسي العتيق والقناطر ونافورة المي بالنص والديكور الأنتيكا.

الرقم: 491 409 06

٤. دار القمر

بقدم لقمة لبنانية أصيلة وعلى البركة من طبخات البيت وكل أطباق المازة اللبنانية! وبحضر كمان أطيب عرايس ومشاوي لتملوا بطونكن على الآخر. بس تخلصوا بتنبسطوا بضيافة المحل من صحون الحلو والشاي والفواكة. عنجد هالمحل عندو قعدة بيت و جايبلكن كرم طرابلس المميز كلو.

شوفوا زيارتنا لهيدا المحل بهل فيديو:

الرقم: 551 022 71

٥. كيف

القعدة عندو تراثية مع نفحة موديرن، بيتميز بتقديم أطباق الشاورما والكبة وحتى بتقديم المعجنات، وبقدم كمان أطباق لبنانية متل الفتوش والتبولة والشيش برك والحمص والمشاوي و كمان لازم تدوقوا السندويشات والسلطات والبرغر. ما تنسوا بس تخلصوا تحلوا ضرسكن بصحن حلو غير شكل!

الرقم: 130 000 81

شوفوا كمان، لقينا ٣ مطاعم بضهور الشوير مع قعدة بتطير العقل.