جولة سياحية بقلب إهدن القديمة!

يلا، جهزوا حالكن لجولة مشوقة بإهدن القديمة! رح نعمل جولة سياحية، نسرح بقلب الجبل وبين البيوت التراثية والتاريخ. إهدن من أقدم الضيع بلبنان إسمها بيعني “جنة عدن”، وبكل زاوية فيها رح تحسوا حالكن بالجنة، بتلاقوا تاريخ وجمال طبيعي ناطركن. جاهزين نعرفكن على 13 أماكن حلوة رح تتمتعوا فيها بالجو القديم وأصالة هالضيعة الرائعة!

١. بلشوا نهاركن بترويقة سحلب مع كعك عن كافيه عيروت بالساحة

الرقم: 884 383 03

٢. زوروا محمية حرش إهدن الأثرية

الرقم: 601 601 70

٣. زوروا تمثال يوسف بيك كرم على الحصان – رمز من رموز الضيعة

٤. تفرجوا على البيوت الأثرية والتراثية بالضيعة

٥. كلوا لقمة طيبة عند مطعم الفردوس

عندو أطيب أصناف المازة اللبنانية وبحضر أطيب كبة مشوية على الفحم ولا أطيب مع كاس عرق وقعدة جبلية عتيقة

الرقم: 701 060 70

٦. زوروا معصرة Les Caves d’éden ودوقوا النبيد الجبلي

قاعدة بقلب بيت حجر بطل على أجمل منظر بالعالم… وديان وجبال على مد عينكن والنظر

الرقم: 059 200 70

٧. اكتشفوا ساحة الميدان الأثرية وتمشوا بالسوق العتيق

٨. زوروا دير مار انطونيوس اسحيا لي فيو مغارة حجر عتيقة

رح تحسوا بالرواق على الآخر وإنكن مغمورين بوادي قنوبين

٩. اشتروا من دكانة الضيعة

١٠. اطلعوا على الجرد واتأملوا المنظر الساحر فوق الغيم

١١. شوفوا منظر مغيب مش شايفينوا من قبل من كنيسة سيدة الحصن

بتحسوا حالكن قريبين من السما

١٢. إذا بدكن تتعشوا بإهدن ميلوا عند بيت ستي

عبارة عن مطعم كتير مرتب وبيعمل أطيب كبة زغرتاوية ع الفحم والجو حلو

الرقم: 200 560 06

١٣. ناموا بقلب بيت حجر عتيق عند كرز بين الشموع والمصابيح

أحلى ليلة من العمر مع كاس نبيد وشوية كستنا وقعدة دافية

وتاني نهار بتقضوا متل ما بدكن مع الطبيعة والخضار أو بقلب البيت مكنكنين

الرقم: 155 660 76

شوفوا كمان، جولة سياحية بقلب شكا القديمة.