دردشة ورواق: اكتشفوا ٤ محلات شاي ببيروت

بهالجو، جاهزين لأحلى ٤ محلات شاي ببيروت؟ من الطقس البارد للشتي لفنجان شاي، تجربة فريدة ناطرتكن. جبنالكن ٤ محلات شاي ببيروت حتى تختبروا طعمة الشتوية.

١. حشيشية قلبي، الجميزة

كنز من كنوز الشاي ببيروت مخبى في كل أنواع الشاي والأعشاب يلي بيرغبها قلبكن بهيك طقس… بتفوتوا على المحل وبتشموا ريحة طيبة، القعدة كتير مهضومة وملونة ومزينة بالأعشاب والورود. بتنقوا الشاي لي عبالكن وبتقعدوا على كراسي مهضومين وفعلاً بتحسوا حالكن مسافرين.

الرقم: 777 738 03

٢. بلو هاوس تي Blue House Tea، الجميزة

من أجمل الكافيهات الزرقا ببيروت، وبياخدكن على عالم تاني مليان شاي وطعمات غريبة عجيبة متل بالحلم بس بتريح الأعصاب والنفسية. خدوا بريك من الحياة شوي وغنجوا حالكن بهل محل مطرح ما الهدوء والفخامة رح يرافقوا جلستكن. بس ضروري تحكوا المحل قبل بوقت وتحجزا طاولتكن لأن مخصص للمناسات الخاصة.

الرقم: 428 956 01

٣. قهوة زيتونة، وسط بيروت

قهوة لبنانية مكنكنة للشتوية، بقدموا ترويقة لبنانية أصيلة وبيتخصص هل المقهى الاستثنائي بتقديم الأكل اللبناني المميز والشاي والحلويات (الثلاثي المثالي)، وبيشتهر أكتر شي بقعدتو الساحرة والديكور المبهر.

الرقم: 356 370 01

٤.ذا بيز بي The Beazbee، كليمنصو

هيدا المحل المكنكن الدافي رح يخليكن تدللوا نفسكن متل ما لازم ومتل ما بتستاهلوا. جوهرة بمنطقة كليمنصو مثالية لتمضاية الوقت مع حبيبكن، ولمحبي الرواق والسكينة رح يكون صار عندكن محل مفضل جديد. أكيد لازم تدوقوا الحلويات مع فنجان الشاي الطبيعي عندن لتكون تجربتكن مثالية!

الرقم: 755 748 01

شوفوا كمان، ٣ محلات طاووق على الفحم بلبنان.