جربوا أطيب أكل أفريقي ببيروت بهيدا المحل

إذا كان عبالكن تجربوا أكل جديد وطيب، خلونا ندلكن على مطعم مميز. مطعم ين يام عبارة عن مطعم أفريقي بيقدم أطيب الأكلات الأفرو-آسيوية.

هالمطرح صرلو بس كم شهر فاتح، بيعملكن برمة على أطيب الأطباق الأفريقية المتبّلة والدسمة. مطعم بيسفركن على قلب أفريقيا، منيو بتضمن أكلات متنوعة مع خلطات ووصفات فريدة مستوحاة من المطبخ الأفريقي التقليدي.

عند مطعم ين يام بتغمسوا لقمتكن بأطيب أكل أفريقي، متل طبق أسكلوب لحم العجل المحشي بالجبنة، بيتقدم مع بطاطا مقلية وصوص أفريقية خاصة. والحلو انو فيكن كمان تاكلوا هالأكلة بالسندويشة!

أو جرّبوا طبق اليخنة الحمرا، اللي معمولة من اللحمة والفلفل الأحمر الإفريقي مع البندورة، وبيقدموها مع رز و فول على الجنب.

مطعم ين يام كمان بيقدملكن قسم للأكل آسيوي. من النودلز الآسيوية للمأكولات البحرية، هالقسم فيه عالم من النكهات القوية والغنية لتستمتعوا فيهن. هيدي مطرح كتير حلو تزوروا مع رفقاتكن اللي بيحبوا الأكل، وهون فيكن تطلبوا مجموعة متنوعة من الأطباق المحرزة وتشاركوها مع بعض.

وما تنسوا تجربوا تشكيلتن من حلويات أفريقية وآسيوية لتكمّل سفرتكن.

إن كنتوا عم تشتهوا أكل أفريقي أو آسيوي، مطعم ين يام جاهز يستقبلكن على تجربة أكل إستثنائية ببيروت. بتلاقوا هالمطعم بالزيتونة باي، وبيفتح من الساعة 10 الصبح لل 5 الصبح! للمزيد من المعلومات، اتصلوا على الرقم: 788 887 81

شوفوا كمان، تعرفوا على Ruby: أول شاي بوبل محلي بطعمات لبنانية!