عبالكن منقوشة لوبيا بزيت؟ مشوا عند أبو داوود

كيف ترويقتكن اليوم؟ عبالكن مناقيش فريدة من نوعها؟ مشوا معنا عند أبو داوود. فرن أبو داوود عبارة عن فرن زغير و محبوب بمنطقة الجديدة من ال1960، وما رح تصدقوا لما نقلكن انو عندو ٩٥ نكهة مناقيش مختلفة وغريبة!

عدا عن مناقيش الزعتر التقليدية، مناقيش الجبنة، اللحم بعجين، والأصناف اللي كلنا مجربينا ومنحبا، هالفرن بيعبر عن حبو للأكل اللبناني من خلال ابتكار وإضافة لمسات خاصة على الترويقة اللبنانية التقليدية، والنتيجة كانت منيو طويلة عريضة من 95 نكهة مختلفة للمنقوشة!

من بين النكهات الفريدة اللي ممكن تجربوها هي منقوشة لوبيا بزيت، منقوشة شمندر، منقوشة بقرنبيط،كينوا، وحتى منقوشة كبة بطاطا. ولتحزروا الـ 95 نكهة كلن، لازم تميلوا عند هالفرن بالجديدة وتشوفوا بعينكن.

والفلوغر اللبناني جاد عاصي بياخدنا بالفيديو على هالفرن الزغير وبيجرب فيه أغرب أنواع طعمات المناقيش، وحتى وصفة منقوشة سرية!

أبو داوود فنّان بالمناقيش اللبنانية وحول تجربة الترويقة لشي إستثنائي، و ما رح يخيّب توقعاتكن بإبداعاتوا الطيبة!

للمزيد من المعلومات، اتصلوا على 970 892 01.

عم تدوروا على تجارب فريدة من نوعها؟ إكبسوا هون!