جولة سياحية بقلب أنفه القديمة: 11 شغلة مهضومة فيكن تعملوها

يلا، جهزوا حالكن لجولة مشوقة بأنفه القديمة! رح نعمل جولة سياحية بأنفه القديمة، نسرح على البحر وبين الأمواج والتاريخ وناكل أكل طيب ونزور الملاحات ونتفرج على البيوت الأثرية والحرف الفنية. انفه من أقدم المدن الفينيقية بلبنان، وبكل زاوية فيها بتلاقوا تاريخ وجمال طبيعي. جاهزين نعرفكن على 11 أماكن حلوة رح تتمتعوا فيها بالجو القديم وأصالة هالمدينة الرائعة!

١. بلشوا نهاركن بترويقة بلدية غير شكل على البحر دغري عند قهوة زمان

فنجان قهوة وقعدة على البحر ما في متلا

الرقم: 097 151 81

٢. زوروا ملاحات أنفه الأثرية وتعرفوا على كيف كانوا الفينيقية يطلعوا الملح من البحر

٣. تمشوا بسوق أنفه العتيق وبين الدكاكين القديمة والبيوت التقليدية

٤. زوروا القلعة الأثرية يلي بعدها صامدة لليوم

٥. زوروا كنيسة القديسة كاترينا الأثرية لي قاعدة من إيام الصليبية

ورجعوا تمشوا على السنسول

٦. تغدوا على البحر دغري عند وسيم على البحر

عبارة عن مطعم بقدم المأكولات البحرية والسمك الطازة ومشهور بلقمتو الطيبة

الرقم: 124 180 70

٧. أو جربوا أكلة السمك الطازة عند سمكة جرجي الضيعة

تخايلوا أكل طيب وسفرة بيتوتية وجو أنفه، قدي حلو؟

الرقم: 693 127 03

٨. زوروا كنيسة سيدة الريح الحامية الصيادين والملاحين بالمنطقة

٩. تفرجوا على البيوت العتيقة لي بتحسسكن إنكن باليونان

بيوت بيضا مع شبابيك زرق وشموا ريحة البحر منا

١٠. تفرجوا على مغيب الشمس من ورا البحر

١١. قضوا ليلة أنفوية من العمر عند بيت اسكندر

بيت حجر على البحر مع جو رومانسي ودافي ومنظر من الأحلام

الرقم: 183 896 71

شوفوا كمان، جولة سياحية بقلب صور القديمة.