٦ أفلام كوميدية لبنانية خرج سردة مع العيلة!

يلا جيبوا جاط بوشار وقعدوا تحت الحرام، طفوا الضو وسردوها مع العيلة على هالأفلام اللبنانية الكوميدية.

١. ماكس وعنتر

فيلم كوميدي مستوحى من الأفلام الأميركية القديمة مع نفحة لبنانية كوميدية. إذا كنتوا بتحبوا الكلاب أكيد رح تحبوا القصة وتتعلقوا بالكلب وكمان في قصة رومانسية من ورا.

٢. ويلكام تو ليبانون Welcome To Lebanon (أهلا وسهلا فيك بلبنان)

بتحكي قصة الفيلم عن عيلة قررت تعمل زيارة للبنان بعد غياب 30 سنة وبتبلش تتغير الأحداث بس يصير في صراع بين الحضارة اللبنانية والأميركية وهون بتولد قصة حب بين بنت عاشت كل حياتا بأمريكا وشب لبناني ربي بالضيعة.

٣. مادام بامبينو

أكيد كلنا بعدنا منحن لفادي وكارين ولو قد ما حضرنا هل فيلم ما منزهق منو، العيلة كلا بتستأنس في. رجعوا تذكروا قصص ومغامرات فادي وكارين وولادن بهل فيلم.

٤. غنوجة بيا

مين ما تعلق بهل مسلسل وما حضر الفيلم فوق العشر مرات؟ مرة زيادة ما رح تضركن وخاصةً إذا كنتو ساردينا مع العيلة وعم وتضحكوا من قلبكن. تذكروا مغامرات رنا بركات وطارق فياض وقصة الحب لي حيرت البشرية.

٥. غمضة عين

قصة من القصص المضحكة بطولة زياد برجي وفيها كوميديا ورومانسية بنفس الوقت. بتحكي عن جاد لي بينغرم بنور مديرتو بالشغل لي سعي جاهداً ليوصلو وبيسرد بطريقة طريفة الأحداث المشوقة والصراعات بين البطلين على الحب والشغل.

٦. حبة كراميل

هل فيلم بفش خلق الصبايا لأن ماغي بتقرا كل أفكار الرجال وبتفضحن، بكمل قصة مسلسل كراميل لي بيحكي عن المغامرات اليومية لبنت قادرة تقرا شو في بعقل الرجال من دون ما يعرفوا هني من ورا حبة كراميل. كوميدي ورومنسي بنفس الوقت وبضحك كتير.

شوفوا كمان، ٨ أغاني صار عمرها ١٠ سنين.