!بتحبوا الأكل السريع؟ جربوا هل-٧ مطاعم الطيبة بلبنان

بتحبوا البرغر والبيتزا والسناكات وكل شي من الأكل السريع والطيب؟ إذا زهقتوا من أكل البيت وعبالكن مطارح بتقدم أكل دسم وبيشهي، شوفوا معنا هل 7 مطاعم المميزة حول لبنان.

1. Good Guys، حالات

مطعم لكل شي طيب! Good Guys بيجبلكن بالمنيو أطيب النكهات الأمريكية مع الأكل السريع الكلاسيكي. سندويشات شهية وبرغر دسم بسد أكبر جوع!

لازم تجربوا أطيب الأطباق المشهورة عندن، متل تشيز برغر مع أربع أنواع من الجبنة الدايبة، برغر مع الخبزة المقلية، وحتى عندن كرواسون برغر بالدجاج الكرسبي.

الرقم: 547 478 81 – 447 478 81

2. G E E K S، صيدا

مطعم G E E K S بيقدملكن تجربة أكل عالمية، مكان مثالي لضهرة مع الأصحاب وعندن منيو بتناسب مختلف الأذواق. من ناتشوز بالجبنة وبطاطا المقلية المحشية للسندويشات المقرمشة والبرغر الدسم. هالمطرح كتير مميز لغدا محرز، خصوصي بعد ما تبرموا بصيدا.

مننصحكن تجربوا عندن منيو البيبروني وتحديداً طبق البرغر بالبيتزا لكل اللي بيحب الأطباق الحرة، أو ماك أند تشيز إذا عبالكن شي إكسترا وبيشهي.

الرقم: 970 670 03

3. Shaggys، مار ميخايل

مطرح مميز للناس اللي بتحب الأكل الإيطالي والأطباق الأميركية. منيو من بيتزا مع جبنة بتشهي، شرايح اللحمة الطرية مع المقبلات، وبرغر سميك ودسم مليان بالنكهات القوية.

هالمطعم خص نص لتشاركوا الأكل الطيب مع أصحابكن. عندن المقبلات غير عالم، قطع البيتزا الشهية، والبرغر القوي.

الرقم: 032 204 70

4. Cosmos، بشامون

مطعم مميز بقعدة مستوحاة من الستينات، بيقدم منيو أكل عالمي من الأكل الإيطالي والأميركي والمكسيكي.

عندن سلطة التكس مكس كتير طيبة، طبق ناتشوز بالجبنة، والبطاطا المقلية المقرمشة.

الرقم: 882 812 25 – 822 496 71

5. Anthony’s، فروع كافة

هالمطعم المميز غير شكل لوجبة شهية ولذيذة بعد نهار طويل مع رفقاتكن.

مطعم بيفوت الفرحة على القلب والبطن! وحتى عندو حلويات طيبة متل كيك الفدج بالشوكولا، أو كيك الجزر الغنية.

الرقم: 230 224 71 – 189 479 09

6. Munchease Diner ، خلدة والجميزة

مطعم منشيز محطة أساسية لكل عشاق البرغر. عندن بكل برغر قطعة اللحمة سمكية وطرية، الخبزة طازة، النكهة قوية، والبطاطا المقلية مقرمشة على الآخر، كلو مقدم مع أطيب الصوص.

عندن مقبلات “المنشايتزر” خص نص لتجربوها وتشاركوها مع أصحابكن. فيهن كل شي بيخطر عبالكن، من تندر الدجاج، تشيكن وينغز، الموتزاريلا ستيكس، البطاطا المقلية، وقصص كتير طيبة.

الرقم: 566 033 03 – 464 021 03

7. Tiger’s Diner، الحازمية

مطعم Tiger عندو أطباق كبيرة وحصص كريمة وأسعار ممتازة وكمان نكهات قوية. إذا انتو من عشاق الحر، رح تنغرموا بهالمحل الطيب. معروفين كتير بالدجاج اللي بيشهي، بس أكيد ما تنسوا تجربوا عندن برج الشاورما المغمور بالصوص!

الرقم: 687 287 01

شوفوا كمان، لقينالكن أكبر بيتزا بلبنان عند أبو جان!