تعرفوا على Ruby: أول شاي بوبل محلي بطعمات لبنانية! 

أكيد سامعين بشاي البوبا أو ال Bubble tea! هالشاي المنعش بيتميز بالطعمات الطيبة وال Bubbles الزغيرة، وكتير محبوب عند الولاد والشباب. هالشاي مش بس صار عنا منو بلبنان، بس كمان معمول بنكهات محلية! خلونا نعرفكن على روبي Ruby، أول محل بيقدم شاي البوبا بطعمات لبنانية ومحلية بلبنان!

روبي مقصدكن للمشروبات الفريدة من نوعها!

لمحبي المشروبات اللذيذة والمنعشة، روبي Ruby مقصدكن الأول لتجربوا شي طيب وجديد! بيقدم شاي البوبا بقلب كبايات شكلها كتير لذيذ، من الطعمات المميزة لشكل ال Bubbles المهضوم بقلب الكباية.

بتلاقوا محل روبي بزوق مصبح جنب دريم بارك. بيقدم تشكيلة منوّعة من النكهات الجديدة و اللبنانية لمحبي شاي البوبل أو البوبا.

بتلاقوا عند Ruby نكهات لبنانية محلية!

روبي بيعمل هيدا النوع من الشاي ع اللبناني، كيف؟ بيقدم شاي البوبا بنكهات لبنانية مستوحاة من الحلويات التقليدية، متل الكنافة والحلاوة والقشطة، وهيدي خطوة أولى من نوعها بلبنان. عندن منيو مشكّلة لتختاروا منها نكهاتكن المفضلة، إن كانت النكهات المعروفة والمحبوبة، أو النكهات الخاصة بالمحل، لتستمتعوا بتجربة مميزة وإحساس جديد.

روبي عندو الجودة والطعم الطيب!

بكل فخر، روبي علامة تجارية لبنانية، بتعتمد المعايير العالمية بالجودة والطعمة، عندن الإبداع والإبتكار بعالم الأكل أولوية. والحلو انو عندن نيّة بالمستقبل يفتحوا فروع حول لبنان ليقدر الكل يجرب شاي البوبل الفريد من نوعه اللي بيعملو.

وهيدا الشي المميز عند روبي: بيحطوا الزباين بقلب عالمن، بيستمعوا لرأين وبيشتغلوا ع حالن ليقدموا تجربة مثالية. وانتو فيكن تشاركوا بهل شي من خلال ال Loyalty program عندن، لتعبروا عن رأيكن وعن تجربتكن للمحل، مع فرص تربحوا جوايز حلوة.

ومش بس هيك، مؤخراً فتحوا فرع جديد بالBluBay بترون، لتنبسطوا بشاي منعش وطيب بمشواركن!  

شو ناطرين؟ مشوا على Ruby لتجربة فريدة ولذيذة!

للمزيد من المعلومات، تابعوا حساب روبي Ruby على الإنستغرام هون.

عم تفتشوا على أطيب وأنعش المشروبات حول لبنان، شوفوا قسمنا هون.