لقينالكن أكبر بيتزا بلبنان!

ما في شي أطيب من قطعة بيتزا كبيرة، محشية بالجبنة ومنظرها بيشق القلب! وإذا كنتوا بتحبوا البيتزا أد ما نحنا منحبها، بتعرفوا انو أد ما تاكلوا مستحيل ينشبع منها! اليوم لقينالكن أكبر بيتزا بلبنان كلو، لهيك خبّروا رفقاتكن، وطلعوا مشوار على محل مميز بشكا! 

أبو جان محل مشهور بالبيتزا الشهية وكتير محبوب بشكا، بتجي الناس لعندو من آخر الدني. بس نحنا خص نص جايين نحكي عن البيتزا الكتير كبيرة اللي بيقدمها، حجمها 80×80 سم وهي تعتبر أكبر بيتزا بلبنان. بتلاقوها بمختلف الطعمات الشهية اللي بتناسب كل الأذواق، من البيبروني الحر، الجبنة إكسترا بتجي مع أربع أنواع جبنة، بيتزا القريدس الطيبة، السجق المبهّر، أو بيتزا كلاسيك مع الخضرة الطازة.

كل كدشة من هالبيتزا المميزة بتفوت السعادة على قلبكن. قطع البيتزا المحشية بالجبنة الدايبة والصوص الطيبة، مقرمشة عن الجنب ومنظر الجبنة لما تشلّخ بيشق القلب!

المنيو عند أبو جان غير شكل. لمحبي النكهات البسيطة والكلاسيكية، رح تعشقوا البيتزا بالبيبروني أو الخضرة، بس كمان ما تفوتوا على عليكن البيتزا الفخمة مع أربع أنواع جبنة، بتجي دسمة و محرزة.

هالمحل بيحضر البيتزا بطريقة بيتوتية وعلى إيدو، المكونات طازة، صلصة البندورة غنية، وبيحط فيها أفضل وأطيب جبنة. محل مميز لضهرة مع أصحابكن على الغدا أو العشا.

أبو جان بيقول هالبيتزا الكبيرة بدا 12 شخص ليخلصوها، بس كلنا منعرف حدا من أصحابنا بيخلصها وبيطلب غيرها، ما تنسوا تعملولن تاغ وتعزموهن!

لمزيد من المعلومات، اتصلوا على 344 541 26 أو 344 541 03. كمان ما تنسىوا تشوفوا حساب أبو جان على انستغرام هون.

عشاق البيتزا، شوفوا المحلات اللي فيها أطيب بيتزا بلبنان هون