٤ محلات بوظة ع سيريلاك للطفل الزغير يلي جواتكن

كلنا كبرنا على شي واحد كنا نحبو كتير ولي هوي السيريلاك وبعدنا لهلق بس نشم ريحتو منضعف وبيجي عبالنا نرجع زغار من أول وجديد. اليوم رح نحققلكن حلمكن ونعرفكن على ٤ محلات بيعملوا بوظة ع سيريلاك بلبنان.

١. جيلاتو شو Gelato Show

جيلاتو شو من أشهر محلات البوظة بالبلد ومعروف إنو كل فترة بيتحفنا باختراع جديد ومن القصص لي عملها لي كسرت الدني هي بوظة السيريلاك، بتتقدم بعلبة سيريلاك زرقا وفيها كل ذكريات الطفولة، بتبوردوا على المزبوط وبتحلوا ضرسكن.

الفروع: أنطلياس ، حراجل، جونية، ريفون، زحلة، الرابية

الرقم: 151 642 09

٢. ذا سويت سبوت The Sweet Spot

محل عبارة عن كنز مخبا حلو وقطع مليانة شوكولا وفواكة وبيعمل كمان بوظة مميزة لعشاق الحلو والنكهات على شوكولا، حليب أو فواكة. وما ضروري تاكلوا بوظة عادية، فيكن تجربوا شي كتير مهضوم، الشايك (shake) ع سيريلاك، لي هي عبارة عن كباية معرمة محشية سيريلاك مع كريما لذيذة على الوج.

طرابلس: 112 819 71
ضبيه: 001 147 81

٣. فروزا بوظة

هالمحل بيعمل لفات بوظة محشيين نكهات مختلفه وحشوة من اختياركن مع قصص مهضومة على الوج. جربوا عندن لفات السيريلاك لي بتجي طعمة القمح فيها قوية وحلوة وبتبورد القلب والروح.

الفروعة: مار مخايل، أ ب س ABC فردان، جونية، البترون

الرقم: 350 350 81

٤. محامص أبو براع، صيدا

صرلو من ال49 عم بحضرلكن أطيب الحلويات والأطايب والمكسرات. عندو البوظة على كل أنواعها ومن بين الإختراعات الطيبة لي عندو كباية بوظة ع سيريلاك معرمة مليانة كريما من فوق وبتبورد القلب وبتحسسكن بطعمة السيريلاك لي ما بتروح عن بالنا لو قد ما كبرنا.

الرقم: 373 637 76

شوفوا كمان، وين فيكن تجربوا ستيك طيبة بأسعار حلوة؟