تعرفوا على Acai: أطباق من فواكة السعادة بالكسليك! 

من الصعب إنو نلاقي وجبة طيبة وغنية، تكون صحية وممتعة بنفس الوقت. كرمال هيك، ما إلكن إلا تجربوا أطباق توت الأساي Acai اللذيذة من عند هالمحل المهضوم.

Acai بالكسليك محل خص نص لمحبي القصص الطيبة، مطرح جديد ومميز دغري بيفوت على القلب. بيقدم أطيب علب أساي بلبنان كلو!

أساي بيقدم أطباق من السعادة!

لكل محبي الفواكة والنكهات الإستوائية، طبق الأساي عبارة عن سناك مثالي لإلكن بأي وقت من النهار. بتميلوا عند Acai وبتجربوا هالطبق المميز، مقدم بقلب علبة من السعادة ومليان نكهات لذيذة.

كل طبق بيحتوي على توت الأساي البرازيلي، طعمو طيب وبقلبو كتير فوايد صحية، بيتقدم مع فواكة مشكّلة و spreads بخلطة مثالية. والمميز عند فريق أساي انو هالخلطات المثالية بتناسب كل الأذواق، وهيدا بعد ما شاركوا وعملوا events كتير حول لبنان وأخدو بأراء الزباين وإشتغلوا على خلطاتن، ليقدمولكن اليوم تجربة أكل ما بتنتسى.

المنيو عند Acai أشكال وألوان!

ولأنو بيهمّن تجربة ورأي الزباين بالمحل، بتلاقوا منيو أشكال وألوان من أطيب الطعمات اللي بتعجب الكل، وكل طبق عندن إلو نكهة فريدة من نوعها! خلطات بتجمع بين الطعمات الإستوائية من فواكة متل الكيوي والفريز والموز والأناناس مع العسل، أو مزيج ال Granola مع الفريز و الموز وزبدة الفول السوداني الغنية. بتلاقوا عند Acai كل شي طيب وبيحلالكن، وكل الطعمات القريبة على القلب!

والأحلى شي انو انتو بتقدروا تختاروا الإضافات وال toppings اللي بدكن ياه بكل علبة أساي بتطلبوها، يعني طلبكن خص نص لإلكن. من الفواكة المشكّلة، للخلطات اللي بتعجبكن، المكسرات المقرمشة، الصوصات الطيبة، وكتير قصص شهية.

هالمحل صار كتير محبوب!

من أول ما فتح محل Acai لهلق، صاروا بايعين أكتر من 5000 علبة أساي حول لبنان! وهالمطرح المحبوب صار عندن كيوسك مهضوم ناطركن بمنطقة البوليفارد كسليك. مؤخراً كمان فتح فروع بشارع بدارو، والسوق بالبترون لتنبسطوا بأطيب طبق فواكة أسايي المنعشة بعد مشوار البحر!

هالمحل الزغير هدفو يشارك حبو للأساي للناس كلها بلبنان، بيعمل كل طبق بكل إحترافية وبيقدمها بكل شغف! شو ناطرين؟ جمعوا أصحابكن ومشوا عند Acai!

ولتعرفوا أكتر عن Acai، شوفوا حسابن على الإنستغرام هون.

لكل محبي الأكل والإشيا الطيبة، ما تنسوا تشوفوا قسمنا الغني بالنكهات هون.