جولة سياحية بقلب صور القديمة

يلا، جهزوا حالكن لجولة مشوقة بصور القديمة! رح نعمل جولة سياحية بمدينة صور، نسرح على البحر وبين الأمواج والتاريخ وندوق الأكلات الطيبة. صور من أقدم المدن بالعالم، وبكل زاوية فيها بتلاقوا تاريخ وجمال طبيعي. جاهزين نعرفكن على 9 أماكن حلوة رح تتمتعوا فيها بالجو القديم وأصالة هالمدينة الرائعة!

١. بلشوا نهاركن بترويقة بلدية غير شكل على البحر دغري عند الحرتقجي

ما في أجمل من القعدة على البحر والأكل الطيب على بكرة الصبح

الرقم: 053 073 81

٢. زوروا آثار منطقة صور لي بتعود للفترة الرومانية والفينيقية

ما تنسوا تاخدوا أجمل الصور!

٣. قضوا نهار كامل على بحر صور

لأن بعدو الطقس مقبول، بس فيكن كمان تجوا تعملوا بيكنيك على الرملات إذا ما عبالكن تنزلوا على المي

٤. زوروا مينا صور والبور الأثري

تمشوا على السنسول وتفرجوا على الشخاطير وتصيدوا سمك

٥. زوروا الحارة المسيحية لي بتتميز بالشوارع الملونة والبيوت التقليدية

كمان فيكن تمرقوا على كافي بلبل الأثري وتبلوا ريقكن

٦. زوروا سوق صور العتيق وجربوا الفول لي مشهورين في

كفوا تمشايتكن، كلوا قطعة حلو وشربوا فنجان قهوة بقلب القهاوي الأثرية

٧. كلوا لقمة سمك طيبة وطازة عند مطعم لو فينيسيان Le Phénicien

القعدة مميزة على البحر دغري والمنظر بريح النفسية

الرقم: 564 740 07

٨. جربوا ركوب الخيل بالسهل

بكون المنظر خيالي أكتر شي وقت مغيب الشمس

نادي هاويلا: 079 665 81

٩. إنتو وعم تتمشوا بشوارع صور القديمة رح تلاقوا هل محل: تافولينو عندو ديكور تراثي وموديرن بنفس الوقت

جربوا البيتزا والباستا والمشروبات الطيبة على العشا مع جو بجنن وموسيقى حلوة

الرقم: 135 740 07

خبرونا، حبيتوا المشوار بقلب صور القديمة؟

شوفوا كمان، جولة سياحية بقلب جبيل القديمة.