٥ مطاعم لموعد مميز مع حبيبكن ببيروت

ما في أحلى من المشوار مع الحبيب! مشوا معنا على هيدي المطاعم الرومانسية ببيروت.

١. لو تروتوار دو بالوما، الجميزة

مطعم مهضوم ومكنكن، فيكن تتأكدوا إنو اللقاء في رح يكون دافي ومريح. بقدم أكلات لذيذة وطيبة كتير ومشروبات مليانة فواكي وقهوة وبعض الأطباق اللبنانية والحلو.

الرقم: 000 585 70

٢. صالون بيروت، الحمرا

جايبلكن جو البيوت القديمة مع جو موديرن بس دافي كمان ورح يخليكن تحسوا إنكن قاعدين على طاولة بقهوة القزاز ببيروت العتيقة. دردشوا وعيشوا لحظات رومانسية وخدوا صور حلوة.

الرقم: 317 133 03

٣. كوكلي، الجميزة

هل محل بيتميز بالجو الفرنسي والطاولات المزينة بشراشف بيض وحمر، عنجد كل شي في رح يحسركن من الأكل الطيب للموسيقى للخدمة الممتازة. نصيحة جربوا طبق الستيك وتقاسموا مع حبيبكن مع كاس نبيد وشوية خبز وزبدة.

الرقم: 904 912 81

٤. ماريو إي ماريو، الأشرفية

لي عبالوا سفرة إيطالية مع جو رومانسي مهضوم ودافي، رح يعيش لحظات مميزة بهل مطعم. جربوا أطباق الباستا والبيتزا مع السلطات الطيبة إنتو وعم تتبادلوا نظرات الحب والإعجاب. وما تنسوا تتركوا محل للحلو الإيطالي لأن رح يخليكن تحسوا بالحب كمان.

الرقم: 036 888 76

٥. لا ميناجري، الأشرفية وكليمونصو

محل رومانسي مزين بالشجر والورد رح يخليكن تنسوا همومكن من اللحظة لي بتفوتوا علي. غير هيك هوي كمان محل ورود يعني بتنقوا أحلى وردة وبتهدوا حبيبتكن.بقدم أطيب المروشبات والحلويات مع أطباق عالمية لذيذة وخفيفة. فيكن تسترخوا، تتبادلوا حديث حميم، وتضحكوا من قلبكن.

الرقم: 206 201 01

خبرونا، حبيتوا المشوار على أجمل المطاعم الرومانسية ببيروت؟

شوفوا كمان، جولة سياحية بقلب جبيل القديمة.