مبادرة حلوة: زراعة أكتر من ١٥٠٠ شجرة بغابة صنين

أعلن مشروع التحريج في لبنان (LRI) بالتعاون مع مايك سبورت Mike Sport عن مبادرة تحريج وتشجير جديدة بلبنان، بتهدف لزراعة 1500 شجرة بغابة صنين يوم السبت، 4 تشرين التاني بدءًا من الساعة 11 صباحاً. والجمعية بتدعوا المشاركين للانضمام للحدث وإنو يكونوا جزء من التغيير بلبنان.

لبنان بعاني من مشكلة قطع الشجر بمعدلات عالية، نتيجة للممارسات الزراعية السيئة اللي أدت لإزالة الغابات على مر السنين. مشروع التحريج في لبنان (LRI) هو واحد من العديد من المشاريع المحلية اللي بتشتغل على إعادة تشجير وتحريج المواقع الخضرا والغابات حول لبنان، وهالمبادرة كان إلها تأثير كبير من وقت ما بلشت. 

ولكل حدا حابب يكون جزء من هالمبادرة الحلوة لإحداث التغيير بمستقبل البيئي بلبنان، والمحافظة على المساحات الخضرا والثروة الحرجية، فيكن تزوروا موقع LRI هون. بيعرفكن الموقع على طرق مختلفة للمساهمة، متل تبني زراعة شجر، صنف من الشجر، أو موقع كامل. عندن مختلف المواقع حول لبنان لتختاروا منها وتساهموا بإعادة تشجيرها. ولتعرفوا عن مبادرات تانية للمشروع، تابعوا حسابن على الإنستغرام هون.

الصورة الرئيسية مأخودة من MOOVTOO.

شوفوا كمان، لمحبي الطبيعة، ١١ محمية بلبنان تكتشوفن بالخريف