٥ محلات فلافل لازم تجربوهن بلبنان

ما في أطيب من إنو تنبسطوا على الغدا بساندويش فلافل غير شكل، وخصوصي إذا كانت مليانة خضرا ومغطسة بالطرطور. عنجد ساندويش فلافل بتتميز بأدي سريعة وبتشهي وحتى بضل سعرها مقبول، لهيك نحنا حنخبركن اليوم وين بتقدروا تجربوا أطيب محلات فلافل بلبنان.

١. فلافل جوزيف زينون، زوق مكايل

فلافل ولا أطيب من هيك ومن القلب معروف بالمنطقة بلقمتو الطيبة، وبسبب الكرم بالساندويش! محل فلافل زينون بيقدم أشهى وألذ الساندويشات من سنين لليوم ودايماً جاهز يلبيكن!

الفرع التاني: الكاسليك
الرقم: 476 444 76

٢. فلافل البستان، جبيل

شوفوا هل محل شو طيب بيعمل فلافل عذوق ذوقكن. مش بس هيك، عندن أكلات لبنانية سريعة بتشق النفس متل الفتة والفول بالصنية والحمص البيروتي، فيكن تطلبوا جنب صحن الفلافل مع إكسترا طرطور هيدا بكون العشق بحد ذاتو.

الفرع التاني: طرابلس

الرقم: 565 888 71

٣. فلافل أبو نبيل، كورنيش المزرعة

يلي بحب الطرطور كتير، تأكدوا إنو تطلبوا “شجرة الفلافل” على وج الساندويش، شي كتير طيب ومليء.

الرقم: 331 530 03

٤. صاج فلافل، البترون

بيشتهر هالمطعم بالفلافل لي بيعملها على الصاج يلي بتاكلوا صابيعكن وراها! بس انتبهوا، الطرطور عندو قوي والعجينة طرية وبتقرش قرش!

الرقم: 816 429 76

٥. فلافل الحلبي، طرابلس

أطيب فلافل على خبز طازة. الحلبي معروف من سنة 1945، وكل يلي بجرب الفلافل عندو رح ينغرم من أول كدشة.

الرقم: 660 610 06

وانتو خبرونا بالتعليقات، شو بتحبوا بعد محلات فلافل بلبنان؟

شوفوا كمان، اختراع غريب عجيب: بوظة ع لبنة وزعتر.