٤ أكواخ خشب رومانسية بالجبل

في أحلى من قعدة أكواخ الخشب المكنكنة؟ أكواخ بالطبيعة الجبلية وبعيدة عن العالم، بين الشجر وألوان الخريف الدافية. إذا حابين تمشرعوها بالخريف، خلونا ندلكن على 4 أكواخ خشب رومانسية بالجبل.

1. بيت عليا، تنورين

تنورين من أجمل المناطق اللبنانية بالخريف، الوادي الغميق والمحمية الطبيعية ودروب المشي الحلوة.

بتلاقوا بهل منطقة بيت عليا، كوخ خشب مكنكن على الآخر. هالكوخ مخبى بين شجر الأرز وبيطل على الوادي، عندو قعدة بالطبيعة رايقة وبعيدة عن العالم.

الرقم: 107 708 70

2. منتجع الكهف، القموعة

القموعة وحدة من الجواهر المخباية بعكار، وبتلاقوا مخبى بهل منطقة كوخ خشب بياخد العقل. منتجع الكهف واحد من أجمل أكواخ الخشب الرومانسية بلبنان، عندو قعدة على حفة الجبل وبتطل على الجبال وسهل القموعة. بتحسوا حالكن إنكن مع الشريك بعالمكن الخاص، مع فيو خيالية وترويقة طيبة على الصبحيات.

الرقم: 103 411 70

3. Chill Hill Experience، وطى الجوز

هالمطرح عندو أكواخ خشب مميزة، محاوط بغابات الصنوبر والجبال العالية بكسروان.

بيقدم تجربة كاملة متكاملة بالطبيعة، كل وسايل الراحة والترفيه، سهرات نار وقعدات رومانسية. مكان حلو لتعيشوا شهر عسل ما بينتسى وتعملوا ذكريات مميزة مع الشريك.

الرقم: 458 775 76

4. Cedar Scent، نيحا

كوخ خشب بموديل مودرن مخبى بين الأرزات بغابة نيحا. مطرح عندو قعدة رايقة وخاصة، تراس بيطل على أجمل المناظر الطبيعية، وفيه كل وسايل الراحة والدفى.

الرقم: 511 233 70

خبرونا، مين بتعزموا على هل أكواخ خشب رومانسية؟

شوفوا كمان، ١١ مطرح خريفي لتجربة رومانسية مع الحبيب