بدكن تربحوا 100 دولار؟ خلصوا هال ٤ صحون باستا من هالمحل!

لكل اللي بيحبوا تجربة أكل الشارع المميزة، جبنالكن تحدي حلو. محل عرنوسكو بالضاحية ناطركن على تحدي أكل قوي: خلصو 4 صحون باستا ب 40 دقيقة وبتربحوا 100$

إي متل ما سمعتو! بس هالتحدي أبداً مش سهل لأنو كل صحن بيعملوا عرنوسكو دسم ومعرّم لراسو، ومليان جبنة التشيدر على الآخر، عدا عن الجبنة الدايبة اللي بتشلّخ. يعني تحدي ما بيربحوا إلا اللي قلبو قوي! و رسم إشتراك بالتحدي 20$ وإذا ربحتوا بترجعوا بتاخدوها كمان زيادة عن ال 100$ !

@aly_cheikh 📲: 81 667 113 #aly_cheikh #aly_cheikhfood #fyp #foryou #foryoupage #viral #food ♬ Cupid – Twin Ver. (FIFTY FIFTY) – Sped Up Version – sped up 8282

والباستا اللي بيعملها محل عرنوسكو مش هينة، بطعمات متنوعة وغنية متل ماك أند تشيز، باستا مع هوت دوغ، باستا بالبيستو أو مع ال white sauce أو الكاري أو الحر القوي أو حتى التاكيز و السيتوس. واحد من أطيب محلات الباستا بالضاحية.

محل عرنوسكو كان Food truck زغير قبل و رجع فتح محل، بتلاقوا تحديداً بالرويس بقلب الضاحية وبيعمل كتير تحديات أكل محرزة وطيبة لتجربوها مع أصحابكن. مش بس مشهور بالباستا الكريمي بس كمان بأطباق عرانيس الدرة الدسمة، وكلها مع مكونات وبخلطات شهية من إختراعو. والحلو انو أسعارو حلوة ووفيرة، وكمان بيضل فاتح للساعة 2 الصبح بحال ضربكن الجوع بالليل أو سهرانين مع أصحابكن.

خبرونا بالتعليقات، بتجربوا هالتحدي القوي، ومع مين بتجربوا؟ عملولن تاغ!

للمزيد من المعلومات، اتصلوا على 113 667 81

شوفوا كمان، اختراع غريب عجيب: بوظة ع لبنة وزعتر!