أجمل ٨ أسواق شعبية تزوروها بلبنان

يمكن أحلى شي بلبنان هو أسواقه الشعبية المزينة كل المناطق، من شماله لجنوبه! كرمال هيك، قررنا اليوم نروح كزدورة حلوة، ونكتشف  أجمل ٨ أسواق شعبية بلبنان!

1. سوق حصرون

سوق مشهور بوردة الجبل حصرون، وبيتميز بالمهرجانات السنوية اللي عامرة المنطقة.

2. سوق بعلبك

سوق بعلبك بيرجع لعصر العثمانيين، بتلاقوا فيه لحامين وأفران ومحلات بهارات تقليدية، واكيد ما تنسوا تدوقوا الصفيحة البعلبكية!

3. سوق راشيا

سوق أثري بيرجع لقرن ال17 براشيا الوادي. بيتميز بالصناعات اليدوية وخصوصي صناعة الجواهر. 

4. سوق جبيل

واحد من أشهر وأقدم الأسواق الأثرية بلبنان، بيتميز بالمتاحف الأثرية، محلات الأنتيكا، والحرف اليدوية. بتلاقوا فيه أحلى الكافيهات!

5. سوق البترون

واحد من أجمل الأسواق بلبنان ومقصد سياحي أساسي بالبترون. بتتميز العمارة بالحجر الرملي والقناطر، وأهم شي تجربوا بهل سوق هي الليموناضة!

6. سوق دوما

هالسوق مقصد أساسي بدوما، وواحد من أجمل المطارح القروية بالشمال.

7. سوق طرابلس

سوق طرابلس القديم من أكبر الأسواق الشعبية ومألف من 9 أسواق زغيرة. بتلاقوا في أطيب الحلويات بطرابلس وعجقة الناس الحلوة.

8. سوق صيدا

سوق صيدا القديم قطعة تاريخية محاوطة بالخانات والقصور العثمانية والحارات القديمة والحمامات الأثرية ومتاحف الصابون.

9. سوق صور

بتلاقوا بسوق صور لمحات من الحضارة الفينيقية. مكان معجوق بمحلات الأنتيكا، سوق السمك، الجوهرجية، وكمان الأكل الطيب.

خبرونا بالتعليقات، حبيتوا هل أسواق شعبية؟ وشو بعد في أسواق شعبية بتحبوها؟

شوفوا كمان، مشوار على دوما: ١٣ شغلة حلوة فيكن تعملوها