مشوار على دوما: ١٣ شغلة حلوة فيكن تعملوها 

من بعد ما صارت دوما وحدة من أفضل القرى السياحية بالعالم، قررنا نخبركن أكتر عن هيدي الضيعة الساحرة بلبنان. دوما ضيعة لبنانية بقضاء البترون، ومن أجمل ضيع الشمال المعروفة بالتراثي القروي والتقاليد المحافظ عليها. بتتميز بسوقها الأثري وبيوت القرميد الأحمر، قريبة من محميّة تنورين الطبيعية وزيتون بشعلة اللي يعتبر أقدم شجر زيتون بلبنان. خلونا نشوف سوا، كيف فينا نقضي مشوار حلو بضيعة دوما.

من أبرز المحطات بضيعة دوما هي سوقها العتيق ويعتبر من أجمل الأسواق القديمة بلبنان. فجهزوا الكاميرا وخلونا نعرفكن على شو فيكن تعملوا بهل جوهرة التراثية الدومانية:

1. تمشوا بالسوق وتفرجوا على العمار القديم

سوق دوما رح ياخدكن رحلة بالزمن لورا، بتشوفوا التاريخ الغني بكل حيّ وزاوية. المميز بالسوق انو مزين بأجمل الزوايا الفنية، المعارض الزغيرة واللوحات، الحرف اليدوية، والتراثي الدوماني المميز. بتلاقوا متحف تراثي وحتى آثار يونانية بساحة الضيعة.

2. دوقوا المونة البلدية من عند بيت المونة الدومانية

محل زغير ومهضوم، بتفوح منو ريحة البهارات والمونة البلدية. بتلاقوا حلاوة وزيتون ومربى على أنواعه وقصص كتير طيبة.

الرقم: 981 283 70

3. جربوا أطيب بوظة من عند بوظة الزحلاوي

محل قديم ومحلي، محبوب كتير بدوما.

عندو بوظة على قشطة منعشة وطعمتها بتشق القلب!

الرقم: 909 576 03

4. خدوا أجمل الصور جنب البيوت القديمة

بيوت لبنانية تراثية، مغمور بجمال الطبيعة والحجر القديم.

القعدة فيها بترد الروح، وأد ما بتسرحوا فيهن ما بتزهقوا.

5. زوروا السينما الأثرية بدوما

افتتحت سنة 1951، وكانت ملتقى الشباب بدوما وشهدت على عروض أفلام كتيرة.

6. زوروا كنيسة القديسة نهرا الأثرية

مخباية تحت شجرة بلوط كبيرة ومعمّرة.

وأكيد ما بيكمل مشواركن بدوما من دون اللقمة الطيبة، وناطركن بقلب هالضيعة خيارات مميزة من المطاعم بتناسب كل الأذواق:

7. مطعم شلهوب عندو قعدة لطيفة ولقمة سمك غير شكل

بتجربوا غدا طيب بقلب مطعم جبلي و تحت شجر الزيتون.

عندو مختلف أصناف المأكولات البحرية مع مازة شهية.

الرقم: 537 372 03

8. انبسطوا بأطباق لبنانية عند مطعم أسكلابيو

عندو فيو حلوة للطبيعة، وجو حفلات ممتع بالليل.

الرقم: 082 520 03

9. عيشوا الأجواء التراثية عند مطعم تلايا عالبير

عندن أطباق شهية من البط وقعدة لبنانية تقليدية.

الرقم: 896 345 03

دوما ضيعة سياحية بتتميز ببيوت القرميد الأحمر، فيها بيوت ضيافة وأوتيلات إستثنائية ضروري تجربوها:

10. قضوا أجمل الأوقات مع أحبابكن ببيت دوما

بيت ضيافة على الموديل اللبناني القديم، بيتميز بالعمارة الحلوة والجنينة اللطيفة والجو المكنكن.

مكان كتير حلو لتبعدوا عن العالم وتنغرموا بالتراث اللبناني، وبيقدم بوفيهات وأطباق دومانية محلية.

الرقم: 225 082 70

11. إتمتعوا بالقعدة الملوكية بقلب My Stone Cellars

قصر تراثي من القرن ال19 مزين ضيعة دوما، بيتميز بالعمارة الإستثنائية والحدايق الحلوة. عندو ديكور فاخر وجو رومانسي مميز لتقضوا كم ليلة غير شكل.

الرقم: 485 283 71

12. عيشوا تجربة استثنائية بأوتيل دوما المدوّر

هالأوتيل عندو شكل إستثنائي، بيقدم خدمات مميزة، غرف مريحة، ومنظر بياخد العقل للضيعة كلها.

الرقم: 202 520 06

13. إستأنسوا بجو الضيعة عند ديوان البيك

بيت ضيافة بقعدة ضيعة جبلية، وكمان بيقدم أطباق شهية ودسمة.

الرقم: 375 599 76

خبرونا بالتعليقات، حبيتوا المشوار على دوما؟

شوفوا كمان، كيف فيكن تقضوا نهار مميز بضيعة بحمدون؟